Hałoŭny vajenny prakuror Polščy: Piłoty Tu‑154 mahli za siekundy da padzieńnia zrazumieć, što budzie katastrofa
Piłoty polskaha Tu‑154, jaki raźbiŭsia pad Smalenskam, zrazumieli, što zdarycca katastrofa, za try‑piać siekund da padzieńnia samalota. Pra heta zajaviŭ uviečary 14 krasavika ŭ Smalensku hałoŭny vajenny prakuror Polščy pałkoŭnik Kšyštaf Parulski, słovy jakoha pryvodziać polskija ŚMI.
«Zhodna z raźlikami śledstva, toje, što adbudziecca katastrofa, piersanał prezidenckaha samalota moh zrazumieć za čas ad troch da piaci siekund da padzieńnia mašyny», — skazaŭ Parulski.
Pavodle jaho słoŭ, śledčyja zychodzili z taho, što chutkaść samalota, jaki pryziamlaŭsia, składała 150‑180 mietraŭ za siekundu.
Pavodle infarmacyi RIA Novosti, hałoŭny vajenny prakuror Polščy paviedamiŭ, što »znojdzieny astanki praktyčna ŭsich asob z delehacyi prezidenta, jakija zahinuli».
U Varšavie čakajuć dastaŭki treciaj čornaj skryni prezidenckaha Tu‑154.
Pavodle infarmacyi dyrektara infarmacyjnaha departamienta ministerstva nacyjanalnaj abarony Polščy pałkoŭnika Viesłava Hžehažeŭskaha, «treciaja čornaja skrynia rehistruje techničnyja paramietry samalota, jana nie rehistruje razmoŭ».
Vykanaŭca abaviazkaŭ prezidenta Polščy śpikier siejma Branisłaŭ Kamaroŭski pradoŭžyŭ ahulnanacyjanalnuju žałobu pa zahinułych u avijakatastrofie pad Smalenskam da poŭnačy niadzieli, 18 krasavika, paviedamiŭ pres‑sakratar śpikiera Ježy Smaliński.
«Žałoba pradoŭžana ŭ suviazi z pachavańniem u niadzielu ŭ Krakavie prezidenta Polščy i jaho žonki», — skazaŭ Smaliński.
Polski ŭradavy samalot Tu‑154 raźbiŭsia pad Smalenskam ranicaj 10 krasavika. Na jaho borcie byŭ prezident Polščy Lech Kačyński. Razam z aficyjnaj polskaj delehacyjaj jon lacieŭ u Katyń dla ŭdziełu ŭ miemaryjalnych mierapryjemstvach. Pavodle infarmacyi MNS Rasii, źviestki ad 97 zahinułych nie paćvierdzilisia. Na borcie znachodziłasia 96 čałaviek: 88 pasažyraŭ i vosiem členaŭ ekipaža, nie vyžyŭ nichto.
Ciapier čytajuć
Palčys, Andrejeva, Łojka i inšyja imiony — paśla vizitu amierykanskich dypłamataŭ u Minsk vyzvalili partyju palitviaźniaŭ7
Kamientary