Dačka Džo Bajdena apublikavała fatahrafiju svajho muža, na jakoj jon trymaje za ruku inšuju žančynu, i abviaściła pra razvod
Dačka byłoha prezidenta ZŠA Ešli Bajden apublikavała ŭ Instagram zdymak, na jakim jaje muž, doktar Chovard Krejn, źniaty ź nieviadomaj žančynaj — jon trymaje jaje za ruku. Post źjaviŭsia ŭsiaho za niekalki hadzin da aficyjnaj zajavy pra razvod, piša Bild.
Ešli padpisała fota: «Moj muž i jahonaja siabroŭka trymajucca za ruki». Publikacyja supravadžałasia pieśniaj pra niaviernaść, a nieŭzabavie źnikła ź jaje staronki.
ŚMI paviedamlajuć, što Ešli patrabuje alimienty i dostup da strachoŭki na čas šlubarozvodnaha pracesu. Pry hetym pryčyna razryvu ŭ dakumientach ukazana jak «razbureńnie šlubu».
Ešli i Chovard paznajomilisia ŭ 2010 hodzie praz brata Ešli, Bo, a praz dva hady ažanilisia ŭ Dełavery. Ciaham 13 hadoŭ jany viali davoli zakrytaje žyćcio i redka źjaŭlalisia na publicy.
Skandał staŭ novym balučym epizodam u žyćci siamji Bajdenaŭ. U 1972 hodzie Džo Bajden straciŭ u aŭtakatastrofie pieršuju žonku Nejliju i dačku Naomi, syny Bo i Chanter vyžyli, ale atrymali traŭmy.
U 2015 hodzie pamior Bo Bajden — hienieralny prakuror štata Dełaver. Paśla hetaha Chantar i Ešli zastalisia adzinymi dziećmi Džo Bajdena.
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary