Sabranyja ŭ ramkach kampanii «Havary praŭdu» pytańni da kiraŭnika krainy ŭ jahonaj administracyi pryniać admovilisia.
Ranicaj 19 krasavika kiraŭnik hramadskaj kampanii «Havary praŭdu» paet Uładzimir Niakłajeŭ prynios u Administracyju prezidenta paštoŭki kampanii z pytańniami da Łukašenki, sabranymi va ŭsich rehijonach Biełarusi.
Pa jaho słovach, na taki krok jon vymušany byŭ pajści tamu, što «listy praŭdy» z rehijonaŭ nie dachodziać da adrasata. Nibyta, ich navat niščać na poštach.Pierad tym, jak adnieści paštoŭki ŭ pryjomnuju, U. Niaklajeŭ pahutaryŭ z žurnalistami kala hatelu «Kastryčnicki». Jon raspavioŭ, što kampanija dziejničaje ŭžo dva miesiacy i praca jaje ŭžo prynosić plon. U jakaści prykładu efiektyŭnaści jon raspavioŭ pra fakty cisku na siabroŭ kampanii, a taksama pra inicyjatyvu Biełaruskaha respublikanskaha sajuza moładzi, jaki «raptam» raspačaŭ maštabnuju akcyju z padazrona padobnaj nazvaj «Zadaj pytańnie prezidentu».
Kiraŭnik kampanii ahučyŭ najbolš častyja pytańni i prablemy prostych biełarusaŭ: vysokija staŭki arendy handlovych kropak na haradskich rynkach, małyja piensii, niezdavalniajučy ŭzrovień kapitalna ramontu i h.d.
Słovy Niaklajeva pra pilny intares da kampanii z boku siłavych struktur vydatna prailustravali śpiecnazaŭcy ŭ cyvilnym, jakija ačapili budynak BRSM, kudy siońnia ž było vyrašana pieradać častku paštovak z pytańniami. Atletyčnaha ciełaskładu maładyja ludzi z dratami ŭ vušach patrulavali i prylehłyja vulicy.
U Administracyi paštoŭki z pytańniami pryniać admovilisia. Pry hetym niaŭciamna patłumačyli, što kab takija važnyja dakumienty pryniać, na ich treba aformić davieranaść,raskazała pres-sakratar kampanii Julija Rymašeŭskaja. Tady byŭ zadziejničany zapasny płan — paštoŭki panieśli maładym patryjotam. U vyznačany čas z roznych bakoŭ da budynku BRSM syšlisia maładyja ludzi ŭ majkach z łahatypam kampanii. Niekatoryja apranali majki na chadu. Paśla niepraciahłych pieramovaŭ ź milicyjantami delehacyju moładzi prapuścili ŭ siaredzinu. Paštoŭki pryniaŭ vachcior ustanovy, toj samy, jaki pakazanaj u abjektyŭ fatohrafa «Radyjo Svaboda» dulaj prasłaviŭsia na ŭsiu krainu.
«Ciapier hałoŭnaje, kab pieradadzienyja pytańni byli razhledžanyja i vyrašanyja tym, kamu jany byli adrasavanyja» — zajaviŭ na parozie budynka BRSM lider moładzi AHP Michaś Paškievič, jaki pryjšoŭ siońnia padtrymać kampaniju.
«Usiaho było pieradadziena kala 40 paštovak», — paviedamiła Julija Rymašeŭskaja. Vizit u BRSM jana patłumačyła tym, što kampanija imkniecca danieści pytańni hramadzianaŭ da Łukašenki lubymi sposabami. «Nam hałoŭnaje, kab prablemy ludziej byli vyrašanyja».
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary