Cichanoŭskaja: Vyzvalenyja musiać mieć mahčymaść zastacca ŭ Biełarusi
Siońnia pradstaŭniki Ofisa Śviatłany Cichanoŭskaj praviali razmovu z Krysam Śmitam, pradstaŭnikom Dziarždepartamienta, jaki adkazvaje za Biełaruś i braŭ udzieł u vyzvaleńni palitviaźniaŭ. Paśla taho Cichanoŭskaja zrabiła admysłovuju zajavu.
«Ja viedaju, što Prezident Tramp zrabiŭ hety zvanok dziela važnaj humanitarnaj misii — vyzvaleńnia našych ludziej i spynieńnia represijaŭ.
Heta sproba vyratavać žyćci niavinnych ludziej i dabicca sistemnych źmienaŭ u Biełarusi. I ja ŭpeŭniena, što ŭ Prezidenta Trampa jość dla hetaha ŭpłyŭ i ŭsie nieabchodnyja ryčahi.
Režym pavinien nie tolki vyzvalić ludziej, ale i spynić represii. Usie śpisy palitviaźniaŭ my ŭžo pieradali ZŠA. Vyzvalenyja musiać mieć mahčymaść zastacca ŭ Biełarusi, kali zachočuć, a tyja, chto vyjechaŭ pad pahrozaj represijaŭ, pavinny mieć mahčymaść biaśpiečna viarnucca. Heta nieabchodnyja kroki dla deeskałacyi.
Na žal, dośvied pakazvaje, što Łukašenku vieryć nielha. Treba hladzieć na spravy, a nie słovy», — zajaviła demakratyčnaja lidarka.
U svaju čarhu, jak hałoŭny daradca Franak Viačorka patłumačyŭ aktualnuju situacyju:
«Tolki što skončylisia kansultacyi z kalehami ź dziaržaŭnaha departamienta i Biełaha doma ŭ spravie mahčymych vyzvaleńniaŭ. Ciapier miač na baku Mienska. Vierym u toje, što buduć dobryja naviny ŭžo ŭ najbližejšy čas. Ale hatovyja i da niehatyŭnaha scenaru. Pahladzim, čym zakončycca Alaska».
Rybakoŭ: Inicyjataram razmovy z Łukašenkam byŭ Tramp
Łukašenka Trampu: Praca pa vyzvaleńni źniavolenych nie spyniajecca
Łatuška: Zvanok Trampa Łukašenku moža być źviazany z mahčymymi pieramovami na terytoryi Biełarusi
Daradca Cichanoŭskaj raskazaŭ pra ich kamunikacyju z uładami ZŠA
Bałkuniec: Ja źviazaŭsia z pamočnikami Trampa i paprasiŭ vyzvalić 1300 palitviaźniaŭ
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary
Tak nam usim treba hladzieć na spravy palitykaŭ, a nie na ich słovy. Kali Łuka adpuścić zakładnikaŭ, heta budzie sprava Trampa i słovy Cichanoŭskaj.
Ty musiš malić, kab Tramp uziaŭ našych palitviaźniaŭ da siabie, reabilitavaŭ jak śled i zabiaśpiečyŭ pracaj.
Vy ni na što nie zdolnyja!