Biełaruskija mytniki vinavaciać litoŭskich kaleh.
Kali na polskim kirunku čerhi ź lehkavych aŭtamabilaŭ u apošnija tydni heta ŭžo norma, to pa litoŭskim prablema abvastryłasia ŭ hetyja dni.
Pavodle biełaruskich mytnikaŭ, prykmietna skaraciłasia kolkaść lehkavoha transpartu, jaki prymajecca litoŭskimi słužbami na vyjezd ź Biełarusi. «Pryčyna — u naŭmysnaj pavolnaj pracy sumiežnaha boku», — śćviardžaje biełaruski bok.
«Minułaj nočču ŭ litoŭskim punkcie propusku «Miadzininkaj» (sumiežny biełaruski — «Kamienny Łoh») afarmlali za hadzinu ŭ siarednim try lehkavyja aŭtamabili ź Biełarusi, u asobnyja pieryjady naohuł nie afarmlali. A na praciahu hadziny, zhodna z normami, mahčyma pryniać 25 adzinak. U čakańni vyjezdu ŭ Litvu tut užo sabrałasia 400 lehkavych aŭtamabilaŭ», — paviedamiŭ Dziaržaŭny mytny kamitet.
Pa jaho infarmacyi, hruzavikoŭ u dadzienym punkcie propusku, jakija vyjazdžajuć ź Biełarusi, aformili tolki 13% ad mahčymaj kolkaści.
Anałahičnaja situacyja i ŭ litoŭskim punkcie propusku «Šalčyninkaj» (sumiežny biełaruski — «Bieniakoni»). Tut ranicaj, na praciahu dźviuch hadzin, litoŭskija kantralujučyja słužby nie ŭpuścili nivodnaha lehkavoha aŭtamabila. Čarha pavialičvajecca», — pišuć biełaruskija mytniki.
Zhodna z danymi pahraničnikaŭ, u punkcie «Kamienny Łoh» pa stanie na 12:00 stajali 360 aŭto, u «Bieniakoniach» — 310. Učora čarhi na biełaruska-litoŭskaj miažy nie było.
U punkcie propuska «Brest» stajać 4615 mašyn.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1313
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata13
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary