ZŠA nakiravali vosiem vajskovych karabloŭ u paŭdniovuju častku Karybskaha basiejna ŭ ramkach «pašyranaj apieracyi pa baraćbie z narkotykami», paviedamlaje The Washington Post sa spasyłkaj na pradstaŭnika Pientahona.
Fłatylija ŭklučaje try eśmincy, dva desantnyja karabli, desantny viertalotanosiec, krejsier i prybiarežny bajavy karabiel. Pavodle infarmacyi vydańnia Axios, siarod ich taksama jość jak minimum adna ŭdarnaja padvodnaja łodka. Častka karabloŭ užo znachodzicca ŭ rehijonie, častka kirujecca tudy.
Na amierykanskich karablach raźmieščanyja padraździaleńni Bierahavoj achovy ZŠA i supracoŭniki pravaachoŭnych orhanaŭ, jakija buduć zatrymlivać i aryštoŭvać asob pry apieracyjach pa pierachopu narkotykaŭ. Ahulnaja kolkaść vajskoŭcaŭ na karablach — kala 4500, u tym liku 2200 marskich piechacincaŭ, što niezvyčajna šmat dla antynarkatyčnaj misii.
Vieniesueła ŭžo padała skarhu hienieralnamu sakrataru AAN Antoniu Huteryšu, nazvaŭšy narastańnie vajskovaj prysutnaści ZŠA «masštabnaj prapahandysckaj apieracyjaj dla abhruntavańnia vajennaha ŭmiašańnia».
U 2024 hodzie ŭ Vieniesuele prajšli vybary, jakija aficyjna vyjhraŭ Nikałas Madura, ale apazicyja śćviardžaje, što bolšaść hałasoŭ była addanaja za jahonaha apanienta Edmunda Hansalesa. ZŠA nie pryznali vyniki vybaraŭ i ličać Maduru nielehitymnym.
Prezident i niekatoryja vysokapastaŭlenyja čynoŭniki Vieniesueły abvinavačvajucca ŭ ZŠA ŭ admyvańni hrošaj i kantrabandzie narkotykaŭ. U lipieni Minfin ZŠA abvinavaciŭ Madura ŭ kiraŭnictvie vieniesuelskim kartelem Cártel de los Soles i pryznaŭ jaho terarystyčnaj arhanizacyjaj.
Situacyju abvastryli niadaŭnija miery Trampa, u tym liku departacyi sotniaŭ vieniesuelcaŭ u 2025 hodzie, bolšaść ź jakich abvinavačvalisia ŭ prynaležnaści da bandy Tren de Aragua. Usiaho ź lutaha ZŠA departavali kala 8000 vieniesuelcaŭ.
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary