Viasna… Soniejka, dobry nastroj. Va ŭsiu ćvituć sietčatyja irysy i krokusy, pad zapavietnym dubam ziamla błakitnaja ad plamačak pralesak, niastrymna pruć ź ziamli ciulpany (darvinaŭskija hibrydy) i padymajuć hałoŭki narcysy, raskašuje biełaja scyła, a ŭ zacišnym kutočku sadu cichieńka zaćviła husinaja cybulka… Davaj padzielimsia nastrojem — davaj pakličam siabroŭ na kaktejli!
Kaktejli, jak nijakija inšyja napoi, spryjajuć tamu, kab z bakałam u rukach hulać pa zialonym murahu i zachaplacca niazłomnaściu žyćcia ŭ kampanii dobrych siabroŭ — takich ža niazłomnych, jak samo žyćcio.
Śpiecyfičnych biełaruskich kaktejlaŭ pakul nie vynajdziena, takim čynam, zrobim dla siabroŭ toje, što pa strohich, zaćvierdžanych receptach robicca va ŭsim śviecie na praciahu ŭžo bolš jak 50 hadoŭ.
Chacia, čamu pa takich užo strohich? Tut jość naš biełaruski sakret: chacia dla mnohich kłasičnych receptaŭ patrabujucca napoi, jakija ŭ nas kaštujuć zaškalna doraha, ich śmieła možna zamianić bolš dastupnymi: viermut «Marcini» — lubym inšym dobrym viermutam, tekiłu — harełkaj dobraj ačystki (naprykład, «Hienierał»), likiory «Kuantro» i «Kiurasao» — inšymi apielsinavymi likiorami. Smak budzie nie horšym!
«Marharyta»
40 mł tekiły, 15 mł likioru «Kuantro», 15 mł limonnaha soku, 2—3 kubiki lodu, sol dla «šerani»
U šejkiery źmiašać usie inhrydyjenty z kubikami lodu i pracadzić u kilišak, achałodžany i zaŭčasu ablamavany «šerańniu» z soli.
Zrabić «šerań» možna tak: kraj kiliška źlohku zmačyć vadoj abo limonnym sokam, a zatym pierakulić u nasypanuju toŭstaj varstvaj sol bujnoha pamołu.
Bakał upryhožyć skrylikam limona abo łajma.
«Mancheten»
40 mł viski burbon, 20 mł viermutu, 3—4 raskryšanyja kubiki lodu, višańka
U šejkiery pieramiašać viski i viermut, dadać raskryšanyja kubiki lodu i pracadzić u achałodžany kilišak dla kaktejlaŭ.
Upryhožyć višańkaj.
«Marcini»
40 mł džynu, 20 mł viermutu «Marcini», 3—4 kavałački lodu
Źmiašać usio ŭ šejkiery, padać ŭ kilišku dla kaktejlaŭ, prykrasiŭšy aliŭkaj.
«Pamiž staronkami»
30 mł brendzi, 20 mł biełaha romu, 20 mł «Kuantro», 10 mł limonnaha soku, 3—4 kubiki lodu, višańka.
U šejkiery źmiašać usie inhrydyjenty z kubikami lodu i pracadzić u kilišak dla kaktejlaŭ. Pryŭkrasić višańkaj.
Što aznačaje zahadkavy kod R99 u pryčynach śmierci Uładzimira Makieja i Vitolda Ašurka?5
Kamientary