Inicyjatyva ByProsvet, jakaja raniej źbirała srodki na vydańnie apoviedaŭ pra biełaruskich žančyn, vypuściła knihu «Patajemnaja spadčyna. Kazki pra biełaruskich žančyn», aŭtarami jakoj staŭ ceły kalektyŭ, piša Bellit.info.
Tak u pieršym tomie čytačy znojduć kazki Lavona Malinoŭskaha, Uładzimira Arłova, Śviety Bień, Taćciany Hajduk, Kaciaryny Vadanosavaj, Natalli Siančuk, Andrusia.
U roli ilustrataraŭ vystupili Natałka Kuks, Vola Malinoŭskaja, Jana Kaśpiarovič, Juna Novikava, Alaksandra Kanafalskaja, Ksienija Łahavaja, Andruś.
Biełaruskaja historyja zachoŭvaje bieźlič imionaŭ tych, chto istotna paŭpłyvaŭ na navakolny śviet. Asablivuju ŭvahu kamanda prajekta nadała dziejnym, tvorčym, razumnym žančynam, bo doŭhija hady jany zastavalisia niabačnymi dla hramadstva.
Pieršy tom «Patajemnaj spadčyny» źmiaščaje siem kazak pra vydatnych biełarusak, jakija žyli ŭ rozny čas — ad siaredniaviečča da pačatku XX stahodździa. U školnych padručnikach hetych žančyn amal nie zhadvajuć. Razam z tym jany adyhrali značnuju rolu ŭ historyi Biełarusi i śvietu.
Kupić knihu možna praz anłajn-kramu Kirma.sh.
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary