Na pieryjad chvaroby Małafiejeva salihorski «Šachcior» budzie treniravać Uładzimir Žuraviel.
67‑hadovy viadomy futbolny śpiecyjalist Eduard Małafiejeŭ, jaki ŭ sioletnim siezonie ŭznačalvaje salihorski «Šachcior», ranicaj 26 krasavika byŭ špitalizavany z dyjahnazam «arytmija», paviedamlaje sajt kłuba.
Uviečary adbyŭsia schod kamandy, na jakim było pryniata rašeńnie, što na pieryjad chvaroby Małafiejeva vykonvać abaviazki hałoŭnaha treniera budzie 38‑hadovy Uładzimir Žuraviel, jaki zajmaje pasadu treniera pa navukova‑mietadyčnaj pracy.
Bližejšy matč «Šachcior» praviadzie 28 krasavika ŭ Salihorsku suprać mahiloŭskaha «Dniapra». Paśla piaci turaŭ harniaki z šaściu punktami zajmajuć vośmaje miesca siarod 12 kamand vyšejšaj lihi. U apošnich troch hulniach kamanda nabrała dva bały. 24 krasavik «Šachcior» paciarpieŭ pieršaje paražeńnie ŭ čempijanacie, sastupiŭšy na vyjeździe debiutantu, babrujskaj «Biełšynie» (0:1).
Kamientary