Anžalika Borys atrymała ŭznaharodu Suśvietnaj arhanizacyi polskich hazet
Staršynia apalnaj arhanizacyi Sajuz palakaŭ na Biełarusi Anžalika Borys atrymała ŭznaharodu Suśvietnaj arhanizacyi polskich hazet, jakaja prysudžajecca za raźvićcio kantaktaŭ z palakami va ŭsim śviecie i prasoŭvańnie polskaj kultury.
Staršynia apalnaj arhanizacyi Sajuz palakaŭ na Biełarusi Anžalika Borys atrymała ŭznaharodu Suśvietnaj arhanizacyi polskich hazet, jakaja prysudžajecca za raźvićcio kantaktaŭ z palakami va ŭsim śviecie i prasoŭvańnie polskaj kultury. Statuetku ŭ formie ziamnoha šaru ŭručyŭ Anžalicy staršynia Senatu Polščy Bohdan Barusievič u časie forumu ŭ Tarnavie, na jaki sabralisia bolš za sto piaćdziesiat polskich žurnalistaŭ z Kanady, ZŠA, Niamieččyny, Rasiei dy inšych krainaŭ.
– Heta dla mianie było poŭnaj niespadziavankaj, - skazała «Salidarnaści» Anžalika Borys. – My budziem i dalej pracavać u tym samym kirunku, naprykład, pravodzić kulturnyja mierapryjemstvy ŭ Biełarusi i ŭdzielničać u ich za miažoj. Adno z najbližejšych śviataŭ, jakoje my budziem adznačać 11 listapada – Dzień niezaležnaści Polščy.
Da lidera niepryznanaha ŭładami Sajuzu palakaŭ na Biełarusi statuetku atrymlivali takija znakamityja palaki jak daradca Centru stratehičnych i mižnarodnych daśledavańniaŭ u Vašynhtonie Źbihnieŭ Bžazinski i lider Kanhresu palakaŭ ZŠA Edvard Moskal.
Darečy, zaraz ziamny šar Anžaliki Borys staić u jejnaj haradzienskaj kvatery – na samym bačnym miescy ŭ haścioŭni. Uznaharoda ž persanalnaja.
❏
Fota Julii Daraškievič, NN
-
KDB zapuściŭ novy bot u telehramie dla viarboŭki biełarusaŭ za miažoj. Prapanujuć rasklejvać ulotki, fatahrafavać abjekty i «niešta inšaje»
-
U prodažy źjaviłasia pašyranaje anhłamoŭnaje vydańnie knihi Alesia Bialackaha
-
«Chto praź viosku jedzie — spyniajecca, fatahrafuje». Biełaruska raskazała pra historyju viekavoha dreva na svajoj siadzibie
Ciapier čytajuć
KDB zapuściŭ novy bot u telehramie dla viarboŭki biełarusaŭ za miažoj. Prapanujuć rasklejvać ulotki, fatahrafavać abjekty i «niešta inšaje»4
Kamientary