ZŠA 15 kastryčnika rychtujucca zrabić «vialikuju zajavu» pra pastaŭki ŭzbrajeńnia Ukrainie. Pra heta ŭ Brusieli na pres-kanfierencyi zajaviŭ pastajanny pradstaŭnik ZŠA pry NATA Mećju Uitakier.
Uitakier zaklikaŭ krainy Paŭdniovaj Jeŭropy bolš aktyŭna padklučacca da prahramy aljansu PURL, praź jakuju jeŭrapiejskija dziaržavy mohuć kuplać amierykanskuju zbroju dla pieradačy Ukrainie. Jon taksama adznačyŭ, što ŭ ZŠA jość «mahutnyja srodki», pieradača jakich moža «źmianić suadnosiny sił» i prymusić Rasiju sieści za stoł pieramoŭ.
U centry dyskusij — mahčymaja pastaŭka Ukrainie kryłatych rakiet Tomahawk. U pačatku kastryčnika prezident ZŠA Donald Tramp skazaŭ, što jon «u niejkim sensie pryniaŭ rašeńnie» pra takija pastaŭki i dapuściŭ ich u vypadku, kali Rasija admovicca ad pieramoŭ.
Prezident Ukrainy Uładzimir Zialenski i Donald Tramp užo abmiarkoŭvali hetaje pytańnie pa telefonie; pavodle paviedamleńniaŭ, abmierkavańni praciahniecca padčas sustrečy ŭ Biełym domie 17 kastryčnika.
Analityki adznačajuć, što «Tamahaŭki» dazvolać Ukrainie bić pa važnych abjektach u tyle praciŭnika, što moža asłabić łahistyku i zabieśpiačeńnie rasijskaj armii.
Mahčyma, ZŠA zmohuć pieradać Ukrainie tolki 20—50 rakiet Tomahawk
Tramp pahražaje dać Kijevu Tomahawk, kali Pucin nie skončyć vajnu. Što mohuć źmianić hetyja rakiety?
Tramp: ZŠA mohuć pieradać Ukrainie rakiety «Tamahaŭk», kali Rasija nie pakładzie kaniec vajnie ŭ najbližejšy čas
Zialenski i Tramp pa telefonie abmierkavali pastaŭki «Tamahaŭkaŭ» Ukrainie
Ciapier čytajuć
Što viadoma pra zatrymanych radyjoamataraŭ, jakim pahražaje až da rasstrełu15
Kamientary