U Minsku skasujuć adzin z haradskich aŭtobusaŭ — žychary rajona aburanyja
Z 27 kastryčnika haradski aŭtobus №123 «Ściapianka — Vajskovaja akademija» sychodzić u minułaje. Rašeńnie ab jaho skasavańni pryniało pradpryjemstva «Staličny transpart i suviaź». Maršrut, jaki dziejničaŭ z 1 vieraśnia, pryznali niezapatrabavanym.
Pavodle danych transpartnikaŭ, napaŭnialnaść aŭtobusaŭ na hetym maršrucie — minimalnaja: 15 vieraśnia ŭ ranišniuju hadzinu pik sumarna za 4 rejsy (u abodva baki) prajechała ŭsiaho 67 čałaviek pry maksimalnaj pravaznoj zdolnaści ŭ 344 pasažyry. Heta tolki 8,4% ad mahčymaha abjomu, paviedamlajuć «Minsk-Naviny».
Na pradpryjemstvie patłumačyli, što žychary rajona pry nieabchodnaści mohuć skarystacca inšymi varyjantami: aŭtobusam №95 da prypynku «Kalinoŭskaha» ź pierasadkaj na №15 albo dabiracca praz stancyju mietro «Maskoŭskaja» i pierasadžvacca na pieršuju liniju da «Uručča». Adtul — maršruty №15, 15D, 169, 195 abo 99 da «Vajennaj akademii».
Navina ab skasavańni maršrutu №123 vyklikała burnaje abmierkavańnie siarod žycharoŭ Ściapianki. U sacsietkach źjavilisia dziasiatki kamientaryjaŭ — ad škadavańnia da krytyki takoha rašeńnia.
Adny, sapraŭdy, ličać, što aŭtobus nie karystaŭsia popytam: «Niešta ni razu nie bačyŭ, kab jon byŭ poŭnym. Tolki babulki da RNPC, a dalej jechaŭ pusty i vioz pavietra».
Inšyja miarkujuć inakš.
«Žychary novabudoŭlaŭ jeździać. Škada, što skasujuć hety maršrut. Vidać, kali ŭ aŭtobusie jość svabodnaje miesca i jość čym dychać, heta ŭžo nie ličycca praduktyŭnaj pajezdkaj», — padzialiłasia mierkavańniem adna ź biełarusak.
Maršrut byŭ zapatrabavany, asabliva dla tych, chto pracuje ŭ rajonie mietro «Uručča», raskazała jašče adna minčanka: «Ja pracuju kala Uručča. Mašynaj — 10 chvilin, a hramadskim transpartam — kašmar! Prychodzicca jechać 95‑m da «Maskoŭskaj», potym na mietro. Heta amal hadzina. Pieššu prykładna stolki ž, tamu 123‑i byŭ vyratavańniem».
Miascovyja žychary zaklikajuć nakiravać kalektyŭny zvarot u «Minsktrans» z prośbaj zachavać maršrut.
-
Łukašenka na pieramovach u Amanie ŭstaviŭ takoje słova, što pierakładčyca na arabskuju razhubiłasia
-
U Lidzie pabralisia šlubam 15‑hadovyja chłopiec i dziaŭčyna. Samaj maładoj mamie Hrodzienščyny taksama 15
-
«U płanie byli jašče niekalki krain». Maršrut Łukašenki składali tak, kab nie nadta biła pa zdaroŭi
Kamientary