«My ŭ kryzisie»: Ofis prezidenta Litvy zaklikaje prymianiać kinietyčnyja srodki suprać šaroŭ
Hałoŭny daradca prezidenta Litvy pa pytańniach nacyjanalnaj biaśpieki Dejvidas Matulonis zaklikaje šukać sposaby prymianieńnia kinietyčnych srodkaŭ dla źbivańnia pavietranych šaroŭ z kantrabandaj, jakija zalatajuć ź Biełarusi.
Jak paviedamiŭ daradca ŭ efiry Radyjo LRT u paniadziełak, trapić u cel, jakaja znachodzicca na vyšyni 4—6 kiłamietraŭ, z dapamohaj strałkovaj zbroi — «amal niemahčymaja misija».
«Tamu treba šukać efiektyŭnyja kinietyčnyja srodki, kab źbivać hetyja šary, i heta, vierahodna, stanie hałoŭnym vyklikam, jaki my budziem abmiarkoŭvać a 9‑j hadzinie na pasiadžeńni ŭrada», — skazaŭ Matulonis.
Paśla taho, jak na minułym tydni kantrabandnyja pavietranyja šary niekalki razoŭ parušyli pracu aeraportaŭ Litvy, mahčymyja rašeńni pa hetym pytańni ŭ paniadziełak abmiarkuje Nacyjanalnaja kamisija pa biaśpiecy.
U aŭtorak anałahičnaja mižviedamasnaja narada pa hetych pytańniach adbudziecca i ŭ administracyi prezidenta Litvy.
«Mušu kanstatavać, što my znachodzimsia ŭ kryzisie, i kryzis sapraŭdy davoli surjozny. Heta ŭžo nie tolki sprava ŭrada — heta pytańnie našaj ahulnaj mabilizacyi, kab my mahli vyrašyć hetuju prablemu», — zajaviŭ Matulonis.
Kiraŭnik Nacyjanalnaha centra kiravańnia kryzisami Litvy Viłmantas Vitkaŭskas paviedamiŭ, što było zafiksavana 66 šaroŭ z kantrabandnymi cyharetami — heta ŭ niekalki razoŭ bolej, čym u papiarednija dni.
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary