«Мы ў крызісе»: Офіс прэзідэнта Літвы заклікае прымяняць кінетычныя сродкі супраць шароў
Галоўны дарадца прэзідэнта Літвы па пытаннях нацыянальнай бяспекі Дэйвідас Матулёніс заклікае шукаць спосабы прымянення кінетычных сродкаў для збівання паветраных шароў з кантрабандай, якія залятаюць з Беларусі.
Як паведаміў дарадца ў эфіры Радыё LRT у панядзелак, трапіць у цэль, якая знаходзіцца на вышыні 4—6 кіламетраў, з дапамогай стралковай зброі — «амаль немагчымая місія».
«Таму трэба шукаць эфектыўныя кінетычныя сродкі, каб збіваць гэтыя шары, і гэта, верагодна, стане галоўным выклікам, які мы будзем абмяркоўваць а 9‑й гадзіне на пасяджэнні ўрада», — сказаў Матулёніс.
Пасля таго, як на мінулым тыдні кантрабандныя паветраныя шары некалькі разоў парушылі працу аэрапортаў Літвы, магчымыя рашэнні па гэтым пытанні ў панядзелак абмяркуе Нацыянальная камісія па бяспецы.
У аўторак аналагічная міжведамасная нарада па гэтых пытаннях адбудзецца і ў адміністрацыі прэзідэнта Літвы.
«Мушу канстатаваць, што мы знаходзімся ў крызісе, і крызіс сапраўды даволі сур'ёзны. Гэта ўжо не толькі справа ўрада — гэта пытанне нашай агульнай мабілізацыі, каб мы маглі вырашыць гэтую праблему», — заявіў Матулёніс.
Кіраўнік Нацыянальнага цэнтра кіравання крызісамі Літвы Вілмантас Віткаўскас паведаміў, што было зафіксавана 66 шароў з кантрабанднымі цыгарэтамі — гэта ў некалькі разоў болей, чым у папярэднія дні.
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі ВІДЭА116
Аляксандр Лукашэнка так ляснуўся на лёд на хакеі, што трыбуны замерлі ВІДЭА
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары