U Rasii pačali adklučać mabilny internet. Kažuć, što heta budzie da zakančeńnia vajny
Pieršymi pra biesterminovaje adklučeńnie mabilnaha internetu zajavili ŭłady Uljanaŭskaj vobłaści. Pavodle ich słoŭ, heta rašeńnie pryniata fiederalnymi ŭładami i z časam budzie raspaŭsiudžvacca na inšyja rehijony krainy, piša «Ahientstvo».
Jak paviedamili na pres-kanfierencyi z udziełam rehijanalnaha ministra ličbavaha raźvićcia Aleha Jahfarava, internet adklučajuć pablizu abjektaŭ śpiecyjalnaha pryznačeńnia, u tym liku kala žyłych kvartałaŭ, sacyjalnych ustanoŭ i ofisnych budynkaŭ. Dakładnyja miescy nie nazyvajucca, bo heta ličycca dziaržaŭnaj tajamnicaj.
Sroki adnaŭleńnia suviazi nie vyznačanyja — kali nie budzie inšaha rašeńnia fiederalnaha centra, abmiežavańni mohuć dziejničać da zakančeńnia «śpiecyjalnaj vajennaj apieracyi» (takim eŭfiemizmam rasijskija ŭłady i prapahandysty nazyvajuć raźviazanuju Rasijaj vajnu suprać Ukrainy). U niekatorych rajonach vobłaści mabilnaha internetu niama ŭžo bolš za tydzień.
Ekśpierty z prajekta «Na śviazi» adznačajuć, što padobnyja vypadki ŭžo adbyvajucca i ŭ inšych rehijonach, choć aficyjna pra heta nie paviedamlajecca. Jany miarkujuć, što pastajannyja častkovyja adklučeńni internetu mohuć stać zvyčajnaj praktykaj pa ŭsioj Rasii.
Tym časam u krainie rychtujuć źmieny ŭ zakon ab suviazi, jakija dazvolać FSB patrabavać ad apierataraŭ adklučeńnia internetu. Takim čynam, rasijskija ŭłady atrymlivajuć jurydyčnuju asnovu dla ŭžo najaŭnych abmiežavańniaŭ i mahčymaść poŭnaha kantrolu za dostupam hramadzian da sietak suviazi.
«Narešcie!» Ludzi na ŭra ŭspryniali navinu ab uviadzieńni štrafaŭ za słaby internet i prapanujuć, ź jakoha apieratara pačać
Biełaruś stała papularnym abjektam dla kibieratak
«Admienim roŭminh, kazali jany. U vyniku admianili internet». Biełarusy raskazali, što ŭ Rasii nie pracuje roŭminh ni A1, ni MTS
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1919
Kamientary
T.k. raspojasaliś, mnoho vidiat, mnoho słyšat, a značit i uznajut (nie putať s znajut).....