Daradca premjera Litvy: Miaža ź Biełaruśsiu moža być adkryta raniej, čym płanavałasia
Paśla taho jak ministr zamiežnych spraŭ Litvy Kiastucis Budrys skazaŭ, što dva pamiežnyja kantrolnyja punkty ź Biełaruśsiu mohuć być adkrytyja raniej, čym płanavałasia, heta paćvierdziŭ i daradca premjer-ministra Inhi Ruhinienie Ihnas Alhirdas Dabravolskas.
Praŭda, jon nie skazaŭ, ci moža heta być zroblena ŭžo na hetym tydni, paviedamlaje LRT.
«Paćvierdzić, što na hetym tydni budzie adkrytaja miaža ź Biełaruśsiu, nie mahu. Rašeńni buduć prymacca, uličvajučy dziejańni ŭładaŭ Biełarusi i situacyju, źviazanuju ź mietearałahičnymi pavietranymi šarami», — skazaŭ Ihnas Alhirdas Dabravolskas.
Urad Litvy ŭ kancy kastryčnika vyrašyŭ na miesiac, da apoŭnačy 30 listapada, zakryć apošnija dva pierachody — u Miednikach i Salečnikach — zamiežnyja kantrolnyja punkty ź Biełaruśsiu.
Kamientary
Nijakaja Litva nikoli nie budzie stajać nie toje što za Biełaruś, a i siabie nie budzie navat sprabavać abaraniać!