Ajcišnik naźbiraŭ da 28 hadoŭ $10 miljonaŭ. Choča pajści na piensiju, ale baicca, što nie chopić
Ajcišnik z Meta padzialiŭsia na płatformie Blind davoli nietypovaj prablemaj. Da svaich amal 29 hadoŭ jon naźbiraŭ kala $ 10‑15 miljonaŭ u vyhladzie inviestycyj, piensijnych adličeńniaŭ, krypty i inšych aščadžeńniaŭ. Jon zadumaŭsia, čamu b nie zładzić sabie rańniuju piensiju, ale nie moža navažycca na taki ryzykoŭny krok, bo z ulikam inflacyi, dynamiki dalara i kirunku, u jakim kocicca hramadstva, hrošaj jamu da kanca žyćcia moža i nie chapić, piša Devby.io.
Mužčyna paprasiŭ supolnaść prahałasavać, što jamu ciapier rabić. Da momantu napisańnia artykuła svajo mierkavańnie vykazali 633 karystalniki placoŭki. Dźvie traciny ź ich rajać sychodzić.
A ŭ kamientarach stali dzialicca paradami. Mnohija adznačali, što aščadžeńniaŭ ajcišnika sapraŭdy moža być mała, kali tolki jon nie źbirajecca žyć pa-za ZŠA ci ŭ ZŠA, ale ŭ vioscy.
Inšy kamientatar adznačyŭ, što kali nie marnavać hrošy, to zabiaśpiečvać siabie razam ź siamjoj možna na $300 tysiač u hod. To-bok, kali nie naroščvać sumu, jaje budzie dastatkova na 30‑50 hadoŭ.
Niekatoryja stali trolić aŭtara. Adzin supracoŭnik Apple napisaŭ, što ŭ jaho ŭzroście mieŭ užo $30 miljonaŭ, tak što toj mocna adstaje. Chtości z Microsoft adznačyŭ, što ŭ jahonaj kampanii možna zarablać ad $500 tysiač da $1 miljona ŭ hod, litaralna ničoha nie robiačy. Kaleha z PayPal adkryta nazvaŭ aŭtara biedniakom i łuzieram, tamu što ŭ narmalnaha čałavieka da 25 hadoŭ pavinna być na rachunku $25 miljonaŭ, tak što niama čaho tut vychvalacca.
Chtości z Amazon pažartavaŭ (ci nie), što sam siadzieŭ by z hetymi hrašyma doma hadoŭ da 40, a potym skončyŭ by žyćcio samahubstvam. Jašče adzin karystalnik prapanavaŭ zvolnicca i zapuścić kanał na YouTube pra toje, jak pajści na piensiju da 30.
«Unačy susied z nažom vybivaje dźviery ŭ vanny pakoj — zvyčajnaja svarka z žonkaj». Ajcišnik z EPAM pažyŭ u Azii
«Pieršyja hady čatyry było kłasna». Sieńjor, užo hramadzianin Aŭstralii, raskazaŭ, jak tam z ajciškaj i pavukami
«Zrazumieła, što takoje być darosłaj». Prahramistka pierajechała ŭ Łos-Andželes z EPAM i syšła ŭ Disney
24‑hadovy minčuk za try hady zdoleŭ sabrać 105 tysiač rubloŭ
Ciapier čytajuć
Što zdaryłasia ź Mikitam Miełkazioravym, jaki raptoŭna pamior nočču?31
Kamientary