На пажары ў Мінску загінулі 4 супрацоўнікі МНС + фота
Гарэла сховішча гатовай прадукцыі Мінскага завода вылічальнай тэхнікі. Плошча пажару — 200 квадратных метраў.
Чатыры супрацоўнікі Міністэрства па надзвычайных сітуацыях загінулі падчас ліквідацыі пажару на тэрыторыі Мінскага завода вылічальнай тэхнікі, дзе раніцай 11 мая гарэў склад, што арандуецца ў прадпрыемства.
Пажар пачаўся ў 09:05. У 9.50 падчас яго ліквідацыі адбылося абвальванне даху. Пад заваламі апынуліся сем супрацоўнікаў Міністэрства па надзвычайных сітуацыях. Усіх пацярпелых дасталі з‑пад завалаў. «Двое з іх памерлі на месцы пры правядзенні рэанімацыйных мерапрыемстваў, яшчэ двое — у бальніцы. Зараз яшчэ трое супрацоўнікаў знаходзяцца ў бальніцы», — паведаміў прэс‑сакратар Міністэрства Віталь Навіцкі.
У 10:08 пажар быў лакалізаваны, а ў 11.38 ліквідаваны. У тушэнні пажару на плошчы каля 200 квадратных метраў былі задзейнічаныя 105 чалавек і 25 адзінак тэхнікі МНС.
На месца пажару прыбыў пракурор Мінска Мікалай Кулік. Вырашаецца пытанне пра завядзенне крымінальнай справы.
Імёны загінулых — Вадзім Лесік (1977 года нараджэння, жанаты, двое дзетак), Дзмітры Лоўдар (1975, жанаты, адно дзіця), Андрэй Мухін (1969, жанаты, двое дзяцей) і Юры Сысой (1978, жанаты, адно дзіця).
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам8
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі1818
Каментары