Na liniju «102» źviarnuŭsia supracoŭnik tralejbusnaha parku i paviedamiŭ pra paškodžańnie hramadskaha transpartu. Suma pryčynienaj škody skłała bolš za 700 rubloŭ, paviedamlaje staličnaja milicyja.
Supracoŭniki Partyzanskaha RUUS zatrymali 23‑hadovuju minčanku.
Dziaŭčyna razam sa svaim maładym čałaviekam, jaki niadaŭna nabyŭ pnieŭmatyčny pistalet, adpravilisia ŭ lesaparkavuju zonu pobač z tralejbusnym parkam, kab stralać pa samarobnych mišeniach.
Minčanka vyrašyła pravieryć dalokaść palotu kuli i zrabiła streł u bok prajazdžajučaha tralejbusa. U vyniku było paškodžana bakavaje škło transpartu.
Raspačata kryminalnaja sprava za chulihanstva.
Kamientary