Беларус малюе карціны нафтай. І нават зладзіў выставу ў Мінску
У Нацыянальным цэнтры сучасных мастацтваў з сярэдзіны снежня адкрыта персанальная выстава мастака з Рэчыцы Кірыла Міхаленкі, піша Tochka.by
Тут паказаны два дзясяткі карцін, аб'яднаных агульнай тэматыкай. А галоўнае — усе яны намаляваныя з дапамогай нафты.
Сам аўтар расказвае, што яна заўсёды была побач, бо ўся яго рэчыцкая сям'я так ці інакш звязана з працай над чорным золатам.
Мастак адзначыў, што працаваць з нафтай вельмі няпроста.
«Нават праз месяц высыхання пах усё роўна застаецца, але ўжо не такі яркі. Пры стварэнні карцін выкарыстоўваю рэспіратар, да таго ж у мяне ёсць вялікае памяшканне, у якім я ствараю карціны», — расказаў Кірыл Міхаленка.
У свеце, па яго словах, усяго чатыры мастакі, якія пішуць з дапамогай нафты.
«Усё, што можна разгледзець на творах, — толькі абстракцыя. Кожны бачыць тое, што ён хоча», — кажа аўтар.
Адзначым, што пры стварэнні работ Кірыл Міхаленка выкарыстоўваў лён — папулярны беларускі матэрыял.
Экспазіцыя будзе даступная да 1 лютага 2026 года па адрасе: Мінск, вул. Някрасава, 3.
Паглядзець на работы можна з серады па нядзелю з 12:00 да 20:00. Кошт уваходнага білета — ад Br4 да Br15.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары