Livaniec kraŭ u davierlivaj minčanki hrošy i na ich ža naviedvaŭ ź joj restarany
U Maskoŭskim RUUS Minska raspačata sprava na padstavie č. 2 art. 205 (kradziež) u dačynieńni da 26‑hadovaha inšaziemca, jaki mieŭ vid na žycharstva ŭ Biełarusi.
Jak paviedamiła pres‑aficer rajonnaha ŭpraŭleńnia ŭnutranych spraŭ Taćciana Hryb, volny čas livaniec, u jakoha nie skłałasia žyćcio ź biełaruskaj žonkaj, pravodziŭ u kampjuternym kłubie. Praź interniet jon paznajomisia z 32‑hadovaj minčankaj i pry sustrečy zrabiŭ na jaje pryjemnaje ŭražańnie. Siabie jon nazvaŭ dypłamatam, jaki maje da taho ž sietku restaranaŭ. Žančyna nastolki straciła pilnaść, što pakidała łžedypłamata adnaho ŭ svajoj kvatery, dzie jon staŭ častym i žadanym hościem.
Adnojčy minčancy spatrebilisia hrošy na ramont aŭtamabila, ale ŭ patajemnym miescy jana znajšła nie ŭsiu sumu — nie chapała 700 dalaraŭ i 250 tys. rubloŭ.
Kali paviedamiła ab prapažy kachanamu, toj zajaviŭ, što da prapažy nie maje nijakaha dačynieńnia, praŭda, paśla hetaj razmovy prapaŭ sam.
Milicyja vyśvietliła, što na praciahu tydnia livaniec kraŭ u žančyny pa 100 dołaraŭ i na hetyja hrošy naviedvaŭ ź joj restarany, a taksama traciŭ na siabie.
Zatrymali inšaziemca ŭ ablubavanym im kampjuternym kłubie.
Kamientary