U spartovaj halinie maniacca kadravyja pierastanoŭki. Užo kolki tydniaŭ u Minsportu kažuć pra toje, što piesieńka Hryharava śpietaja – u blizkim časie ministram sportu j turyzmu moža znoŭku stać Uładzimier Makiejčyk, katoraha bolš jak vosiem hod tamu A.Łukašenka ŭkazam vyzvaliŭ z hetaj pasady
U spartovaj halinie Biełarusi maniacca kadravyja pierastanoŭki. Užo kolki tydniaŭ u Ministerstvie sportu j turyzmu kažuć pra toje, što piesieńka Hryharava śpietaja – u blizkim časie ministram sportu j turyzmu moža znoŭku stać Uładzimier Makiejčyk, katoraha bolš jak vosiem hod tamu A.Łukašenka svaim ukazam vyzvaliŭ z hetaj pasady «ŭ źviazku ź pieravodam na inšuju rabotu».
Ciapier Uładzimier Makiejčyk pracuje pamočnikam u staršyni Pałaty pradstaŭnikoŭ Uładzimiera Kanaplova, uvachodzić u skład parlamenckaj futbolnaj kamandy. Va ŭładnych kalidorach na prośbu nahadać, za što Makiejčyka źniali z pasady ministra, spačatku kažuć: «za toje, što niekarektna hulaŭ u futboł». I tolki potym dadajuć, što Makiejčyk pačaŭ ładzić ramont u ministerstvie ź piataha pavierchu – tam akurat kabinet ministra, i hety fakt razzłavaŭ Łukašenku.
Padčas raboty z Kanaplovym Makiejčyk spaścihnuŭ nia tolki pačatki palitkarektnaści. Niekatoryja ludzi ad sportu vykazvajuć mierkavańnie ab tym, što akurat Makiejčyk, a nie Hryharaŭ, siońnia ŭpłyvaje na šmat jakija pracesy, što adbyvajucca ŭ spartovaj halinie i asabliva – u farmakalohii.
Vyhladaje na toje, što ciapierašni ministar sportu j turyzmu Alaksandar Hryharaŭ nie apraŭdaŭ uskładzienych na jaho spadzievaŭ... Mnoha chto miarkuje, što jon mała adpaviadaje na rolu lidera spartovaha viedamstva. Hryharaŭ nie palityk, jon dobra pracavaŭ, kali byŭ namieśnikam, jaki viedaŭ vyklučna pytańniami sportu. U spartovych kołach kažuć, što Hryharava na pasadu ministra sportu łabijavaŭ Kanaploŭ. Ciapier Kanaploŭ sprabuje vysunuć na pieršyja roli svajho pamočnika i dobraha pryjaciela...
Pavodle infarmacyi «Biełaruskaha partyzana», razam z Hryharavym svaje pasady moža pazbavicca pamočnik Łukašenki ŭ pytańniach fizyčnaje kultury j sportu, pieršy vice-prezydent Nacyjanalnaha Alimpijskaha kamitetu Hienadź Alaksiejenka. Mažliva, sp.Hienadź pojdzie na padvyšeńnie.
Darečy, Hryharava, Kanaplova, Makiejčyka i Alaksiejenku čaściakom bačać razam. Dyk, moža, spartovaj halinoju ŭsio ž kirujuć nie Hryharaŭ i Makiejčyk, ale śpikier nižniaje pałaty parlamentu?..
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»13
Kamientary