Daradca Śviatłany Cichanoŭskaj pa dypłamatyčnych pytańniach Dzianis Kučynski znachodzicca z trochdzionnym rabočym vizitam u Vašynhtonie napiaredadni słuchańniaŭ u Kanhresie, paviedamiła pres-słužba Cichanoŭskaj.
Dzianis Kučynski pravioŭ dźvie sustrečy ŭ Biełym domie — z daradcam prezidenta ZŠA Donalda Trampa ŭ pytańniach Jeŭropy Čarlzam Makłaflinam i sa staršym daradcam vice-prezidenta ZŠA Džej Dzi Vensa Śpira Bałasam.
Asnoŭnyja temy razmoŭ uklučali praciah damoŭlenaściaŭ ab humanitarnych namahańniach dziela vyzvaleńnia palitviaźniaŭ, upłyŭ pieramoŭ vakoł Ukrainy na situacyju ŭ Biełarusi, paharšeńnie ŭmoŭ utrymańnia palityčna źniavolenych i hibrydnyja ataki režymu na krainy ES.
Kučynski padkreśliŭ dva asnoŭnyja napramki pracy: humanitarny — vyzvaleńnie palitviaźniaŭ, i palityčny — adnaŭleńnie suvierenitetu Biełarusi i zapusk demakratyčnych pieraŭtvareńniaŭ paśla spynieńnia represij.
Ad imia Śviatłany Cichanoŭskaj jon padziakavaŭ Donaldu Trampu za dapamohu ŭ humanitarnym kirunku i pieradaŭ u Bieły dom prajekt prapanovy Abjadnanaha pierachodnaha kabinieta ab mahčymym udziele ZŠA ŭ budučych demakratyčnych pieraŭtvareńniach u Biełarusi jak mižnarodnaha miedyjatara.
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary
Biez " aficyjnaha" statusa biez " apparata mid." ź viejeiejeiejeielmi śmiešnymi srodkami pravodzić padobnuju pracu sustrečy.....