Pavieličeńnie darodavaha adpačynku pazityŭna adabjecca na zdaroŭi budučaj mamy.
Takoje mierkavańnie vykazaŭ 19 maja žurnalistam hałoŭny lekar radzilnaha doma Minskaj vobłaści Piotr Maśko.
U Biełarusi płanujecca pradoŭžyć darodavy adpačynak na 14 kalandarnych dzion
i pradastaŭlać jaho z 28 tydniaŭ ciažarnaści. Adpaviednyja źmianieńni ŭnosiacca ŭ Pracoŭny kodeks Biełarusi.
«Jak akušer‑hiniekołah ja na baku žančyn. Sama pa sabie ciažarnaść — heta dvajnaja nahruzka na arhanizm, a z pavieličeńniem terminu jana tolki ŭzmacniajecca. Tamu čym bolšy stanovicca płod, tym bolš spakoju treba budučaj mamie dla zabieśpiačeńnia narmalnaha raźvićcia i rostu dziciaci», — skazaŭ Piotr Maśko.
Śpiecyjalist dadaŭ, što na poźnich terminach ciažarnaści ŭ žančyn časta ŭźnikajuć prablemy sa zdaroŭjem, im vydajecca listok niepracazdolnaści. Akramia taho, ciapier usio bolš biełarusak naradžajuć, majučy roznyja zachvorvańni,
i značnaj častcy ź ich prapanujecca zaviaršyć ciažarnaść zadoŭha da jaje fizijałahičnaha terminu.
«My majem mahčymaści dla nadziejnaha vychodžvańnia dziaciej, jakija naradzilisia navat u 30 tydniaŭ», — adznačyŭ Piotr Maśko.
Jon taksama paviedamiŭ, što ŭ radzilnym domie Minskaj vobłaści štohod naradžajucca i vychodžvajucca amal 50 pracentaŭ niedanošanych małyšoŭ vobłaści. Tolki ŭ 2009 hodzie ŭ lačeńni va ŭmovach adździaleńniaŭ intensiŭnaj terapii i reanimacyi novanarodžanych mieli patrebu 970 dziaciej, ź jakich bolš jak 480 pralečany ŭ UZ «RDMV». U radzilnym domie asvojeny ŭnikalnyja technałohii vychodžvańnia dziaciej z ekstremalna nizkaj masaj cieła pry naradžeńni, štohod vychodžvajucca bolš jak 60 dziaciej z masaj cieła mienš za 1,5 kh, amal 20 — z masaj da 1 kh. Samy maleńki pacyjent, jakoha ŭ 2005 hodzie ščaśliva vypisali z radzilnaha doma, važyŭ pry naradžeńni 545 hramaŭ.
Čynoŭniki prahavarylisia, što ŭ Biełarusi zastałosia tolki 8,8 miljona čałaviek? Heta niapravilnaja vysnova5
Kamientary