Aktrysa Kupałaŭskaha pryznałasia, što teatr tak i nie zmoh adyści paśla 2020 hoda
Aktrysa Tamara Mironava, jakaja zastałasia ŭ Kupałaŭskim teatry paśla masavych zvalnieńniaŭ u 2020 hodzie, u intervju «SB» adkryta raspaviała pra chraničnyja prablemy kalektyvu. Pavodle jaje słoŭ, teatr da hetaha času nie moža adyści ad strat i pakutuje ad dvuch vialikich «pravałaŭ».
Pieršaja prablema, pavodle słoŭ aktrysy, — vostry deficyt akcioraŭ siaredniaha pakaleńnia. Mironava kaža, što ŭ trupie praktyčna niama kamu hrać roli ŭ katehoryi «50+». Heta stavić pad udar pastanoŭki kłasičnych tvoraŭ, dzie bolšaść klučavych piersanažaŭ pavinny być mienavita takoha ŭzrostu.
— Ci adyšoŭ Kupałaŭski siońnia ad usich uzrušeńniaŭ? — pytaje karespandent aktrysu.
— Tak. Ale ŭ nas pravał pa siarednim pakaleńni akcioraŭ. Nie možam stavić kłasiku, dzie ŭsio napisana na hety ŭzrost — 50+.
Druhaja biada — režysiorski hoład.
— Śpiektakli ŭ Kupałaŭskim staviać rasijskija režysiory — užo dva śpiektakli pastaviŭ Dźmitryj Akimaŭ, Ihar Małaŭ… — kaža karespandent.
— U nas kadravy režysiorski hoład. Naša mastackaja kiraŭnica Volha Niafiodava ŭžo ŭsim pleš prajeła: dajcie hałoŭnaha režysiora. Nie mohuć znajści.
Paśla masavaha zvalnieńnia kupałaŭcaŭ u 2020 hodzie ŭ znak pratestu suprać hvałtu i falsifikacyj paśla prezidenckich vybaraŭ, teatr apynuŭsia na miažy zakryćcia. Kab choć niejak zapoŭnić pustku, administracyja zaprašała na pracu akcioraŭ z Rasii, jakija navat nie viedali biełaruskaj movy, a ŭ 2025 hodzie pačała pazyčać kadry ŭ inšych biełaruskich teatraŭ. Z pryznańniaŭ Mironavaj vynikaje, što za piać hadoŭ sapraŭdnaje adradžeńnie Kupałaŭskaha tak i nie adbyłosia.
Kupałaŭski teatr zamiest «Paŭlinki» pakazaŭ prapahandyscki śpiektakl pra «SVA»
Jak Kupałaŭski teatr upryhožyli da 105‑hodździa FOTY
Łatuška: U Piatkievič treślisia ruki, hałava, jana tupała, kryčała: «Vy nasadžajecie nacyjanalizm»
Kupałaŭski teatr prapanoŭvaje novuju pasłuhu: ciapier tam možna pabracca šlubam
U Kupałaŭskim užo piać hadoŭ nie mohuć znajści akcioraŭ. Što prydumali hetym razam
Volha Niafiodava pryznała, što Kupałaŭski teatr dahetul nie zmoh adnavicca
Kamientary