U vydaviectvie «Dyhraf», niadaŭna zasnavanym zaŭčasna pamierłym Ramanam Cymbieravym, vyjšła kniha Mikoły Zacharanki, łaŭreata Litaraturnaj premii imia Michasia Stralcova.
Vydańnie vybranych tvoraŭ pad nazvaj «Na tym krai ziamli», jakoje i jość ŭłasna ŭznaharodaj piśmieńniku, źmiaščaje paeziju, prozu i publicystyku, piša bellit.info.
Žury premii prysudziła ŭznaharodu Mikołu Zacharanku «Za tvorčaje ŭvasableńnie i zachavańnie kłasičnych litaraturnych tradycyj, viernaść movie paleskaj hłybinki, mietafaryčna-falklornaje asvajeńnie duchoŭnaha śvietu biełarusaŭ».
Apaviadańni ŭ knizie «Na tym krai ziamli» siužetna-zajmalnyja, nasielenyja paznavalnymi hierojami paleskaj hłybinki. Trahiedyja i śviatočnaja viesiałość ichniaha žyćcia niby znutry padśviečanyja napaŭkazačnym śviatłom. I vieršy i apaviadańni napisanyja vielmi žyvoj movaj, jakaja časta zbližajecca z movaj tych samych piersanažaŭ. Publicystyčnaja častka knihi źmiaščaje artykuły na vostra-sacyjalnyja temy.
Redaktarkaj vybranaha «Na tym krai Ziamli» vystupiła Aksana Sprynčan.
Kamientary