Łukašenka: Niedapuščalna, kali tata načalnik, a dzieci zajmajucca kamiercyjaj
Kiraŭnik dziaržavy zajaviŭ pra niedapuščalnaść karumpavanaha raźmierkavańnia ziamli ŭ Minskaj vobłaści.
Alaksandr Łukašenka padkreśliŭ niedapuščalnaść karumpiravańnia raźmierkavańnia ziamli ŭ Minskaj vobłaści. Pra heta jon zajaviŭ siońnia na naradzie z aktyvam Minskaj vobłaści, pradstaŭlajučy novaha hubiernatara hetaha rehijonu.
Najbolš karumpavanaj śfieraj dziejnaści dla sielskich vykankamaŭ stała raźmierkavańnie ziamli», — adznačyŭ prezident. Pavodle jaho słoŭ, heta śviedčyć ab tym, što novamu kiraŭniku vobłaści treba pryniać samyja apieratyŭnyja miery pa palapšeńni situacyi ŭ kiraŭnickim źvianie.
Nu a Minski rajon i adpaviednyja pažyŭnyja miescy ŭziaty mnoj pad samy surjozny kantrol. Tam mohuć dapuskacca niepravamiernyja dziejańni. I ja prašu ŭsich kiraŭnikoŭ mieć heta na ŭvazie, — padkreśliŭ Alaksandr Łukašenka. — Ja nie suprać taho, kab budavalisia dobryja damy za svoj košt, ja heta budu padtrymlivać.
Ale ŭ nas ža nie mnoha takich miesc, kudy nielha leźci z budaŭnictvam, kali ŭžo hruba kazać. Budujcie na zdaroŭje tam, dzie možna, ale nie treba zajmać ziamlu, jakaja pavinna davać chleb, małako i miasa».
Kiraŭnik dziaržavy źviarnuŭ uvahu, što choć terytoryja ŭnutry kalcavoj darohi i źjaŭlajecca zonaj adkaznaści Minharvykankama, ale jon «zaŭsiody patrabavaŭ z hubiernatara Minščyny adkaznaści za toje, jak unutry kalcavoj darohi vykarystoŭvajucca ziemli sielhaspryznačeńnia».
Prezident raskrytykavaŭ Minskuju vobłaść za takija niehatyŭnyja źjavy, jak kruhavaja paruka, siamiejnaść i kumaŭstvo. Pavodle jaho słoŭ, mienavita z takich ahidnych źjaŭ pačynajecca karupcyja. «Kali vy chočacie, kab vašy dzieci, rodnyja i blizkija dzieści vas padtrymali i prynieśli dziaržavie niejkuju karyść, kali łaska — u dziaržaŭnuju strukturu, na pasadu. Niachaj pakažuć siabie. Ale kali tata načalnik, a dzieci zajmajucca kamiercyjaj, jak heta było ŭ nas u Hrodzienskaj vobłaści, — usio heta zaraźlivy prykład dla inšych čynoŭnikaŭ. Heta absalutna niedapuščalna!» — padkreśliŭ biełaruski lider.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2222
Kamientary