Minskaja mastačka kaža, što 10 hadoŭ tamu ŭ jaje zabrała karciny kuratarka vystavy — i dahetul nie viarnuła. A sama emihravała
«Kuratary vystavy ź niezrazumiełaj mnie pryčyny źvieźli hrafiku ŭ svoj zaharadny dom», — apisvaje mastačka Maryna Kapiłava.
Minskaja mastačka Maryna Kapiłava apublikavała ŭ sacsietkach dopis pra svaju vystavu ŭ 2016 hodzie. Pavodle słoŭ Kapiłavaj, kuratarka toj vystavy Volha Klip tak i nie viarnuła častku jaje prac — choć prajšło 10 hadoŭ.
«Hrafika źnikła. Usia. Jak akazałasia paśla, kuratary vystavy Volha Klip i Dźmitryj Papoŭ ź niezrazumiełaj mnie pryčyny źvieźli jaje z Doma karcin u svoj zaharadny dom. A potym źnikli i sami.
Jak u kino — prajšło 10 hadoŭ. Vypadkova ŭ instahramie mnie trapiłasia na vočy Volha Klip, jana pa-raniejšamu kuratar ci art-mieniedžar, kamu jak bolš padabajecca. Ja napisała joj u ahulny čat i adrazu ž atrymała adkaz i prapanovu syści z publičnaj prastory ŭ asabistuju».
Maryna taksama apublikavała skryny pierapiski z Volhaj. Pavodle ich, jana pierapisvajecca z kuratarkaj jašče ź siaredziny śniežnia. Taja pryznaje, što jak minimum niekatoryja pracy Kapiłavaj sapraŭdy ŭ jaje, ale pieradać ich budzie niaprosta.
«Napeŭna, vy viedajecie, što ja ŭžo niekalki hadoŭ nie žyvu ŭ Biełarusi, a pracy ŭvieś hety čas zachoŭvajucca ŭ mianie doma pad Minskam. Ja pasprabuju znajści mahčymaść vam ich pieradać praz ahulnych znajomych», — adkazvała tady Klip.
Prajšło dva miesiacy. U lutym, pavodle skrynoŭ, Volha znoŭ pisała Marynie, što šukaje sposab pieradać joj pracy:
«Ja zajmajusia vyrašeńniem pytańnia i paviedamlu, kali źjavicca kankretnaja infarmacyja».
Volha Klip adkazała ŭ sacsietkach na abvinavačvańni mastački. Pa jaje viersii, u hetaj situacyi źmiašany dźvie padziei: vystava ŭ 2016‑m u Domie karcin i ekspazicyja ŭ sałonie «Hraj kafe». U druhoj vystavie, jak kaža Volha, udzielničała tolki niekalki prac Maryny.
20 prac ź pieršaj vystavy, jak kaža kuratarka, nikoli nie znachodzilisia ŭ jaje doma:
«Hetaja vystava była arhanizavanaja halerejaj, pracy byli dastaŭlenyja arhanizatarami z majsterni mastački i paśla zakančeńnia vystavy viernutyja ŭ roznyja miescy, paznačanyja samoj mastačkaj.
Ja pracavała ŭ Domie karcin ź vieraśnia 2016‑ha pa maj 2017‑ha i padpisvała nieabchodnuju dakumientacyju. Na praciahu červienia 2017 hoda (paśla halereja spyniła isnavańnie) viartańniem reštak rabot zajmałasia administratarka».
Paśla toj vystavy, kaža Volha, Maryna prapanavała joj pieradać niekalki prac na prodaž dla ekspazicyi ŭ «Hraj kafe». Paśla zakryćcia taho sałona niekalki prac Maryny zastalisia ŭ Volhi, bo, pa słovach Klip, inakš daviałosia b kinuć ich u sałonie.
Kuratarka zaŭvažaje, što ŭ pierapiscy z mastačkaj jana jakraz kazała pra tyja pracy:
«Pryznaju, što nie mieła racyju, kali nie spytała ŭ pačatku, pra jakija pracy jana viadzie havorku. Ale ja navat nie mahła padumać pra niešta inšaje, akramia jak pra tyja niekalki nievialikich prac, što zastalisia paśla bolš poźniaha supracoŭnictva.
Dom, dzie znachodziacca hetyja pracy, staić za horadam. U hety momant ja nie maju fizičnaha dostupu da jaho: kluč znachodzicca ŭ davieranaj asoby, jakaja žyvie ŭ inšym miescy. Jak tolki źjavicca mahčymaść trapić u dom, pracy buduć pieradadzienyja mastačcy z afarmleńniem akta pryjomki-pieradačy».
U kamientary da Volhi pryjšła Maryna i adznačyła, što ŭpieršyniu čuje pra vystavu ŭ «Hraj kafe» — maŭlaŭ, vyhladaje, što na toj čas Volha i Dźmitryj užo karystalisia jaje pracami jak svaimi. Pavodle słoŭ mastački, pra toje, što pracy z Doma karcin znachodziacca ŭ Volhi, joj skazaŭ sam Dźmitryj Papoŭ.
Maryna piša, što raniej nie padymała pytańnie pra tyja pracy, bo prosta nie mahła znajści kurataraŭ. Nadziei na toje, što pracy ŭsio jašče ŭ Volhi, Maryna nie maje — miarkuje, jany abo zhublenyja, abo pradadzienyja.
«Naša Niva» — bastyjon biełaruščyny
PADTRYMAĆ
Kamientary