Jašče da adkryćcia jana narabiła šumu ŭ sacsietkach.
Nahodaj dla chajpu staŭ nie błohierski ahlad, skandał ci niaŭdały žart SMM, jak heta zvyčajna byvaje, a sam pa sabie anons adkryćcia, jaki navat nie źmiaščaje padrabiaznaściaŭ pra novaje miesca. Jaho ŭ sacsietkach 8 sakavika vykłała błohierka i pradprymalnica Ciamčyta (Alaksandra Ciamčyk), raspaviadaje Onliner.
— Damy, sa śviatam! Moj padarunak dla vas u hety cudoŭny dzień. Chutka my adčynim dźviery «Žanočaj piŭnoj», — napisała jana, pakazaŭšy barnuju stojku z nazvaj. Internetu hetaha chapiła.
Mnohija dziaŭčaty horača padtrymali kancepcyju i napisali, što ź cikavaściu čakajuć adkryćcia. Niekatoryja adznačyli, što spadziajucca na biaśpiečnuju i kamfortnuju atmaśfieru dla žančyn.
Rolik pra piŭnuju dalacieŭ i da žycharak inšych krain — jany žartujuć, što ŭžo kuplajuć bilety ŭ Biełaruś. «Kali tam budzie sała i skumbryja, ja tam naohuł žyć zastanusia», — jość i takija zajavy.
Adrazu ž uźnikła i łahičnaje pytańnie: ci buduć u «Žanočuju piŭnuju» puskać mužčyn? Sama Ciamčyta hety momant nijak nie kamientavała, adnak padobnyja abmiežavańni naŭrad ci mahčymyja z čysta zakanadaŭčaha punktu hledžańnia.
Mužčyny ŭ sacsietkach, da słova, pryniali ideju takoj piŭnoj chutčej sa skiepsisam. Adny ličać, što nie «vystralić» sam farmat i ŭstanova chutka zakryjecca, inšyja ŭ pryncypie nazyvajuć dziaŭčat, jakija pjuć piva, «redściahami».
— Fan-fakt: hadaści pra žanočuju piŭnuju, typu «zakryjucca praź miesiac» i «baby nie ŭmiejuć pić», pišuć tolki mužčyny. Im, jak zaŭsiody, lepš bačna. Na druhim miescy pa papularnaści — mizahinnyja žančyny, — vykazałasia nakont kamientaryjaŭ sama Ciamčyta.
U asobnym roliku pra ažyjataž vakoł piŭnoj, jakaja jašče nie adčyniłasia, Alaksandra taksama zajaviła, što nie baicca pravału zadumki. «Oj, dy takija prajekty ŭžo byli, i jany ŭžo zakryvalisia…» Heta byli nie maje prajekty — heta pa-pieršaje. Pa-druhoje — jany byli nie žanočaj piŭnoj, nie było jašče žanočaj piŭnoj, i ŭžo dakładna nie było majoj žanočaj piŭnoj», — zajaviła błohierka.
Kamientary
I pusť tolko poprobujut tuda nie pustiť čiełovieka.