Biełaruś tolki dvaccać čaćviortaja.
Biełaruś tolki dvaccać čaćviortaja.
Pieramožca nabrała 246 bałaŭ. Druhoje miesca zaniała Turcyja (170), treciaje — Rumynija (145). Ukraina stała dziesiataj, a Rasija — adzinaccataj. Apošniaja, dvaccać piataja, — Vialikabrytanija.
Biełaruskamu hurtu «3+2» naličyli bały tolki čatyry krainy: Rasija — 2, Bałharyja — 1, Małdova — 3, Hruzija — 12.
Nadta kryŭdna atrymać takija nizkija bały ad Rasii.
Ale poŭnaj niečakanaściu stała toje, što Ukraina ničoha nie naličyła biełaruskim vykanaŭcam.
Z pačatku hałasavańnia stała zrazumieła, što biełaruski hurt nie ŭvojdzie navat u dziesiatku lepšych. Bo pieršyja dvanaccać krain nam ničoha nie pastavili. Biełaruś niby nie zaŭvažali. Kali paŭdniovyja i zachodnija słavianie padtrymlivali adzin adnaho, to našu krainu ihnaravali navat słavianie.
Sioleta była źmieniena sistema hałasavańnia. Pałovu vyznačali hledačy, a druhuju pałovu — žury. Nakolki abjektyŭna aceńvała žury? Skazać ciažka. Ale vierahodna, što jany najpierš aceńvali čystatu vystupu vykanaŭca. Choć heta było redkaściu na finale.
Vyniki hałasavańnia ź Biełarusi ahučvaŭ alimpijski čempijon Alaksiej Hryšyn. Jaho anhlijskaja mova vyklikała ŭśmiešku. A
vyšejšyja bały biełarusy raźmierkavali nastupnym čynam: Izrail — 8, Ukraina — 10, Rasija — 12.
Što tyčycca ahulnaha ŭražańnia ad sioletniaha finału, to ničoha šakujučaha, jak u finskaha hurtu Lordi, ci aryhinalnaha, jak baleryna z rajala ŭ Dzimy Biłana, nie było.
Padčas vystupu ispanca na scenie źjaviŭsia nieviadomy čałaviek.
Palicyja vyvieła jaho. A vystup pryjšłosia pieranieści z druhoha na apošni.
Kamientavaŭ «Jeŭrabačańnie» na BT Dzianis Kurjan. Paśla padviadzieńnia vynikaŭ jon vykazaŭsia, što paśla sioletniaha konkursu mo spyniać tracić hrošy na zamiežnych aŭtaraŭ, a źviernuć uvahu na ajčynnych. Pieśniu dla «3+2» napisaŭ rasijanin Maks Fadziejeŭ.
Užo viadomyja daty praviadzieńnia «Jeŭrabačańnia-2011». Jano projdzie 17,19, 21 maja ŭ Hiermanii.
Braty-bliźniaty pryjšli pracavać u milicyju. Adzin ź ich pierapłyŭ raku i ŭciok ź Biełarusi, kab nie zajmacca palityčnymi spravami. Pahutaryli ź im1
Kamientary