Sud u Litvie admianiŭ dziesiacihadovuju zabaronu na ŭjezd dla rasijskaha repiera Marhienšterna
Rasijski repier Ališer Marhienštern dabiŭsia praz sud admieny zabarony na ŭjezd u Litvu, jakaja raniej była na jaho nakładziena na 10 hadoŭ. Najvyšejšy administracyjny sud Litvy zadavoliŭ jaho apielacyju i skasavaŭ jak rašeńnie mihracyjnaj słužby, tak i pastanovu suda pieršaj instancyi, jaki raniej pakidaŭ zabaronu ŭ sile, piša LRT.
Pieršapačatkova Departamient mihracyi Litvy zabaraniŭ Marhienštiernu ŭjezd, spasyłajučysia na ryzyki dla nacyjanalnaj biaśpieki. Adnak sud pryznaŭ, što heta rašeńnie było niedastatkova abhruntavanym.
Akramia taho, sud abaviazaŭ kampiensavać artystu sudovyja vydatki, jakija skłali kala 34 jeŭra.
Asnoŭnaja pretenzija suda zaklučajecca ŭ tym, što ŭładami nie było dadziena naležnaha zaklučeńnia ad Departamienta dziaržaŭnaj biaśpieki, jaki pavinien byŭ aficyjna aceńvać mahčymuju pahrozu. Zamiest hetaha rašeńnie hruntavałasia na infarmacyi inšych orhanaŭ i adkrytych krynicach.
Sud taksama adznačyŭ, što papiarednija zajavy, tvorčaść abo ŭklučeńnie ŭ śpisy inšych krain sami pa sabie nie dakazvajuć pahrozu dla Litvy. Akramia taho, pry pryniaćci rašeńnia nie byli ŭličanyja ŭsie abstaviny spravy, a razhlad byŭ adnabakovy.
U vyniku sud pryjšoŭ da vysnovy, što takaja strohaja miera, jak dziesiacihadovaja zabarona repieru na ŭjezd, nie była dastatkova abhruntavanaj i parušała pryncyp suraźmiernaści.
Paśla pačatku poŭnamaštabnaj vajny Rasii suprać Ukrainy Ališer Marhienštern pamianiaŭ publičnuju pazicyju i krytykavaŭ vajnu, choć da hetaha ŭ roznyja pieryjady vykazvaŭ padtrymku rasijskaj uładzie.
U Vilni vystupiŭ skandalny rasijski repier. Pierad kancertam prajšła akcyja pratestu, nie abyšłosia biez bojki i zatrymańniaŭ
U Rasii ŭ «zamiežnyja ahienty» zapisali papularnaha repiera i jašče siem čałaviek
U Biełarusi abnavili čorny śpis artystaŭ — ciapier tam 179 pazicyj. Chto trapiŭ
Marhienšterna znoŭ zapadozryli ŭ prapahandzie narkotykaŭ z-za tatuiroŭki z kanoplami u klipach
Repier Marhienštern raskazaŭ u novym klipie, što źbieh z Rasii praź Biełaruś
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ106
Kamientary