Piatruchin šukaŭ, chto ž upieršyniu nazvaŭ palitviaźnia Papova «maderataram sacsietak Krainy dla žyćcia». I vyjšaŭ na samoha siabie
Paśla zajavy Siarhieja Cichanoŭskaha pra toje, što publikacyja «Našaj Nivy» pra Dźmitryja Papova nibyta paŭpłyvała na žorstki prysud rasijaninu — 16 hadoŭ kałonii, — błohier Siarhiej Piatruchin vyrašyŭ pravieści ŭłasnaje rasśledavańnie. Vyniki akazalisia niečakanymi.
1 vieraśnia Siarhiej Piatruchin na svaim jutub-kanale vykłaŭ nievialikaje videa, u jakim, jak vynikaje ź jaho ŭłasnaha anonsu, pasprabavaŭ vyśvietlić, «adkul «Naša Niva» atrymała infarmacyju pra toje, što Papoŭ byŭ maderataram sacsietak «Krainy dla žyćcia».
Pačaŭšy adnaŭlać chranałohiju, Piatruchin zrazumieŭ, što mienavita jon sam byŭ pieršym, chto nazvaŭ Papova maderataram sacsietak «Krainy dla žyćcia». Heta adbyłosia jašče za miesiac da publikacyi infarmacyi na sajcie «Našaj Nivy».
«Ja rabiŭ rolik pra Dźmitryja Papova, jaki vypuściŭ 4 červienia 2020 hoda, i ŭžo tady ja nazvaŭ jaho maderataram sacsietak «Krainy dla žyćcia», — zajaviŭ błohier i pasprabavaŭ zhadać, jak toje videa źjaviłasia.
«Mnie patelefanavaŭ [Alaksandr] Kabanaŭ z balnicy, dzie jon tady lažaŭ, chvarejučy na kavid, i dasłaŭ mnie videa, dzie Papoŭ idzie pa mazyrskim lesie, uciokšy ad milicyjantaŭ. Skazaŭ mnie, chto heta, bo ja [Papova] nie viedaŭ. I skazaŭ, što treba zrabić videa i vykłaści jaho ŭ sieciva».
Ale ci paviedamiŭ Kabanaŭ mienavita toje, što Papoŭ byŭ maderataram sacsietak, Piatruchin ciapier nie pamiataje.
«Ja nie vyklučaju, što ja moh sam hetuju infarmacyju znajści ŭ ciapier źniščanych telehram-čatach», — pryznajecca jon.
Piatruchin źviarnuŭ uvahu, što «Naša Niva» nazyvała Papova «maderataram sacsietak» 8, 10 i 13 lipienia 2020 hoda. Pry hetym u niekalkich materyjałach redakcyja spasyłałasia na pravaabaroncaŭ i «Viasnu». Pa słovach błohiera, upieršyniu na «Viaśnie» takaja infarmacyja źjaviłasia ŭ toj ža dzień, kali vyjšaŭ i jaho rolik.
Piatruchin nie vyklučaje, što «Viasna» mahła padchapić farmuloŭku ź jaho rolika:
«U toj čas «Viasna» niaredka pierapoščvała maje — nu, našyja z Kabanavym — materyjały. Ale heta taksama treba pravieryć pa časie publikacyj».
Pry hetym Piatruchin pa-raniejšamu maje pretenzii da «Našaj Nivy» i choča razabracca, čamu Redakcyja nie pierapravieryła infarmacyju za im.
Zaŭvažym, što podpis «maderatar sacsietak» nie ŭpłyvaje ni na što, kali Papoŭ usio adno byŭ vymušany dać pakazańni pra svaju pracu z kamandaj Cichanoŭskaha.
Ciapier čytajuć
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»31
Kamientary
Nie viedaju, ale dadumvajusia, čamu dalej nivodnaje ŚMI pra heta nie napisała.