Eparchijalnaja rada čytaje «žyvyja žurnały» śviataroŭ
15 vieraśnia dziejnaść śviataroŭ-internaŭtaŭ razhladała Eparchijalnaja rada pad staršynioŭstvam Fiłareta. Kliryku Śviata-Pakroŭskaha chramu Miensku Ajcu Alaksandru, čyj dziońnik naličvaje bolš za 700 čytačoŭ, paraili ź internetam zaviazać.
15 vieraśnia ŭ Mienskim eparchijalnym upraŭleńni prajšło pasiedžańnie Eparchijalnaje rady pad staršynioŭstvam mitrapalita Mienskaha i Słuckaha Fiłareta. Na pasiedžańni razhladali pytańni publicystyčnaj dziejnaści klirykaŭ Biełaruskaj Pravasłaŭnaj Carkvy ŭ sietcy Internet i drukavanych vydańniach.
Jak paviedamiŭ «Pravasłaŭje va Ŭkrainie» referent u suviaziach ź ŚMI Biełaruskaha Ekzarchatu archimandryt Alaksiej (Šynkievič), havorka išła pra dziejnaść śviatara Alaksandra Šramka, kliryka Śviata-Pakroŭskaha chramu miesta Miensku. Ajciec Alaksandar daŭna viadomy karystalnikam sietki Internet jak aŭtar sajtu «Dziońnik śviatara», materyjały z katoraha paźniej vydali knižkaj. Apošnim časam a.Alaksandar pisaŭ publicystyčnyja artykuły na roznyja pilnyja pytańni carkoŭnaha žyćcia ŭ Biełarusi, časam pytańni tyja byli palemičnyja, i publikavaŭ ich na sajcie «Carkva» i ŭ «Žyvym žurnale».
Jak kaža archimandryt Alaksiej, u tych publikacyjach a.Alaksandar Šramko čaściakom vyjaŭlaŭ mierkavańni, jakija «nie adpaviadajuć vysokamu sanu pravasłaŭnaha śviatara» i jakija spryčynialisia da nehatyŭnaje reakcyi siarod pravasłaŭnych internet-karystalnikaŭ. U Mienskaje eparchijalnaje ŭpraŭleńnie źviartalisia źbiantežanyja čytačy z vodhukami na vykazvańni a.Alaksandra Šramka nia tolki ź Biełarusi, ale i z Rasiei, Ukrainy i Prybałtyki.
Eparchijalnaja rada pastanaviła paraić a.Alaksandru Šramku kinuć dziejnaść u Internecie i zasiarodzić svaje vysiłki biespasiarednie na pastyrstvie.
Redakcyja «Pravasłaŭja va Ŭkrainie» taksama źviazałasia z a.Alaksandram Šramkom, adnak toj admoviŭsia kamentavać rašeńnie Eparchijalnaje rady.
❏
Fota z priestal.livejournal.com
U Rahačovie try školnicy źbili 11-hadovaha chłopčyka, ściahnuli ź jaho trusy i imitavali seks1
Kamientary