Pryznali nienaležnaj rekłamu adnoj z marak šakaładu. Pabačyli seksualny padtekst
Havorka idzie pra šakaład Oboldini kandytarskaj arhanizacyi «Šakaładava» ŭ formie pałačak, paviedamlaje Ministerstva pa antymanapolnym rehulavańni i handli.
Rekłama źmiaščaje tekst «Mocnyja pałački. 12,5 sm heta norma» i vizualnaje adlustravańnie šakaładnych pałačak i liniejki, što stvaraje ŭ spažyŭcoŭ pramuju asacyjacyju z seksualnym značeńniem, parušaje ahulnapryniatyja normy marali i maralnaści i ŭ adpaviednaści z patrabavańniami zakanadaŭstva ab rekłamie źjaŭlajecca nieetyčnaj.
Taksama ŭstanoŭlena raspaŭsiudžvańnie TAA «Dzivijan IKA» nienaležnaj rekłamy nastupnaha źmiestu: «Upieršyniu ŭ Biełarusi! Na pastajannaj asnovie. Muziej picy! Adukacyjna-zabaŭlalny prajekt», «Muziej picy ŭ Minsku — miesca, dzie vas čakaje sapraŭdnaje pahružeńnie ŭ historyju, kulturu i mastactva stvareńnia adnoj z samych lubimych straŭ», «Adukacyjna-zabaŭlalny prajekt Sałodki muziej», «Muziej šakaładu horada Minska».
Infarmacyja źmiaščaje niedakładnyja źviestki pra dziejnaść kampanii i ŭvodzić u zman, vykarystoŭvajučy słova «muziej», pakolki tavarystva nie ŭklučana ŭ rejestr muziejaŭ, paviedamiŭ MARH
Kamientary
Norma mabyć siarod markietołahaŭ " šakaładava" i u jaŭleńni čynoŭnikaŭ ministerstva))