82‑hadovamu Valeryju Źviahincavu i 71‑hadovamu Uładzisłavu Hałkinu pryznačyli pa 12,5 hoda kałonii strohaha režymu.
Źviahincava — navukovaha supracoŭnika Instytuta tearetyčnaj i prykładnoj miechaniki Sibirskaha adździaleńnia RAN (ITPM SA RAN)— zatrymali ŭ Novasibirsku ŭ 2023 hodzie. Paźniej zatrymali jaho kalehu i suaŭtara z Tomska Uładzisłava Hałkina.
Sud nad Źviahincavym i Hałkinym praciahvaŭsia z vosieni 2024 hoda i prachodziŭ u zakrytym režymie.
Sprava była zaviedziena ŭ suviazi z publikacyjaj vučonych u iranskim navukovym časopisie na temu hazavaj dynamiki.
Viasnoj 2023 hoda supracoŭniki ITPM napisali adkryty list u abaronu kaleh, u jakim papiaredzili «pra nabližeńnie krachu» rasijskaj aeradynamičnaj navuki.
Da ŭstupleńnia prysudu ŭ siłu vučonyja zastanucca pad chatnim aryštam.
U mai 2024 hoda ŭ Sankt-Pieciarburhu dali 14 hadoŭ kałonii strohaha režymu hałoŭnamu navukovamu supracoŭniku ITPM SA RAN — 79‑hadovamu Anatolu Masłavu. Jaho abvinavacili ŭ pieradačy Kitaju dadzienych, źviazanych z hipierhukam, dadaje «Miedyjazona».
U vieraśni taho ž hoda 15 hadoŭ kałonii pryznačyli jašče adnamu sibirskamu vučonamu, dyrektaru ITPM SA RAN Alaksandru Šypluku. Jaho abvinavacili ŭ pieradačy dakumientaŭ padčas navukovaj kanfierencyi ŭ Kitai ŭ 2017 hodzie. Sam navukoviec nastojvaŭ, što infarmacyja, pra jakuju idzie havorka, znachodzicca ŭ adkrytym dostupie.
Ciapier čytajuć
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary