Minčanin Słava Puška choča, ale nie moža pavajavać za Rasiju. I prosić skinucca jamu na zamienu pašparta, kab dabracca da frontu
Za svajo žyćcio 35‑hadovy Viačasłaŭ Bibikaŭ nie nazapasiŭ ničoha — akramia siami kryminalnych spraŭ. Maryć zarabić na kvateru. Kaža, lepš pavajavać, čym badziacca.
Pa rasijskich supołkach, pryśviečanych «SVA» (tak rasijskaja prapahanda nazyvaje vajnu), raspaŭsiudžvajecca dopis biełarusa Słavy Puški, jaki prosić dapamahčy hrašyma — maŭlaŭ, nieabchodna zrabić novy pašpart, kab puścili ŭ Rasiju. Mnohija nie vierać jamu, kažuć, što machlar. Ale Słava nastojvaje: abaviazkova pajedu na front, tolki dajcie hrošaj!
Pakidaje hetyja abviestki 35‑hadovy Viačasłaŭ Bibikaŭ (Słava Puška — jaho psieŭdanim). Naradziŭsia jon u Minsku, skončyŭ Minskaje dziaržaŭnaje prafiesijna-techničnaje vučylišča №38 pierapracoŭčaj pramysłovaści.
U kalekcyi maładoha mužčyny, pa infarmacyi Belpol, siem sudzimaściaŭ. Pačaŭ svaje pryhody jašče ŭ 2008 hodzie, kali skraŭ akumulatar z adnoj mašyny i sprabavaŭ vyciahnuć niejkija rečy ź inšaj. Tady ž ściahnuŭ u tralejbusie čužy mabilnik.
Byŭ i razboj — zabraŭ sumku ŭ žančyny na minskim vakzale, niekalki razoŭ vynosiŭ štości z čužych kvater. Adnojčy zabraŭ sabie čužy rovar z padjezda.
Da kałonii Viačasłaŭ nie dajazdžaŭ, chiba što paŭhoda pasiadzieŭ u aryštnym domie.
Apošnim viadomym miescam pracy Bibikava, zhodna z danymi staŭ ŽES №67 Leninskaha rajona — tam Viačasłaŭ byŭ rabočym.
Ciapier jon prydumaŭ inšy sposab palepšyć svajo materyjalnaje stanovišča — choča vajavać za Rasiju. Ale i tut harotniku nie šancuje — ci naadvarot.
Bibikaŭ pryznajecca, što na vajnu źbirajecca vyklučna dla taho, kab zarabić na kvateru — nijakich vysokich ideałaŭ u jaho niama. Ale ideja chutka atrymać šmat hrošaj zavablivaje.
Kahości, chto b adhavaryŭ jaho ad durnoj dumki, u Viačasłava niama — maci i babula pamierli. Adzinym rodnym čałaviekam jon ličyć 12‑hadovuju dačku (mužčyna ŭ razvodzie).
Bibikaŭ padaŭ zajaŭku, kab stać najmitam — ale nie atrymaŭ nijakaha adkazu. Tady vyrašyŭ sam jechać u Rasiju i na miescy prasicca na front.
Śćviardžaje, što pierśpiektyva stać invalidam ci zahinuć, zmahajučysia za čužyja palityčnyja ambicyi, jaho nie pužaje.
Ale ž na biełaruska-rasijskaj miažy vyśvietliłasia, što Viačasłaŭ navat nie pahladzieŭ na termin dziejańnia svajho pašparta — a toj užo daŭno praterminavany. Apošnija hady pracavaŭ nieaficyjna, tamu i dakumient byŭ nie vielmi patrebny. U vyniku mužčynie pryjšłosia viarnucca na radzimu.
Ciapier praz supołki va «UKantancie» jon sprabuje atrymać finansavuju dapamohu ad rasijan — raspaviadaje tym, što jamu treba pryblizna 3000 rasijskich rubloŭ, kab chucieńka zrabić novy pašpart.
Vyrašyć pytańnie z hałoŭnym dakumientam za tydzień kaštuje try bazavyja — 135 rubloŭ. Pryblizna stolki Bibikaŭ sprabuje sabrać z rasijan — ale jany biełarusu nie vierać i nazyvajuć machlarom.
«Dapamažycie. Lepš pasłužu, čym badziacca. Nie viedaju, nakolki heta mahčyma, ale skazali, što možna navat budzie pasprabavać padać na rasijskaje hramadzianstva paśla SVA», — razvažaje pakul žyvy Bibikaŭ.
Navapałačanin zavierbavaŭsia ŭ rasijskaje vojska i pajechaŭ vajavać. Ciapier jaho šukaje dačka
Palavod kałhasa «Čyrvony bajec» z mahiloŭskaha Kiraŭska pierasieŭ ź siejałki na tank, a potym — na bajavy mapied. I pajechaŭ šturmavać Zaparožža
Biełarus pajechaŭ vajavać za Rasiju, padarvaŭsia na minie i zdaŭsia ŭ pałon. Ukrainski bajec nios jaho na śpinie 10 km
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć
Ciapier čytajuć
«Ja bolš nie anarchist». Mikoła Dziadok — pra turmu, Boha i rasčaravańnie ŭ ideałohijach19
Kamientary
Nasamrech - 90 a ne 135. Mozhna i za 45, ale chakac treba budze mesac.