Tramp pastaviŭ ES dvuchmiesiačny dedłajn dla finalizacyi ŭhody z ZŠA
Inakš jon značna pavysić pošliny.
Prezident ZŠA Donald Tramp daŭ Jeŭrapiejskamu sajuzu dvuchmiesiačny termin na zaviaršeńnie handlovaj ździełki sa ZŠA, paśla čaho jon pavysić myty da «značna vyšejšaha ŭzroŭniu». Pra heta jon napisaŭ u sacsietcy Truth Social.
Tramp paŭtaryŭ svaju pahrozu ŭvieści bolš vysokija myty na tavary ź ES, praciahvajučy cisnuć na jeŭrapiejskich lidaraŭ z metaj vykanańnia ŭmoŭ handlovaha pahadnieńnia, dasiahnutaha letaś u Šatłandyi.
Prezident zajaviŭ, što padčas telefonnaj razmovy sa staršynioj Jeŭrapiejskaj kamisii Ursułaj fon der Lajen jon paviedamiŭ pra termin zaklučeńnia pahadnieńnia da 4 lipienia.
«Ja pahadziŭsia dać joj čas da 250‑hodździa našaj krainy, inakš, na žal, ichnija myty nieadkładna ŭźlaciać da značna bolš vysokich uzroŭniaŭ», — skazaŭ Tramp.
Fon der Lajen u čaćvier zajaviła ŭ sacsietkach, što razmova z Trampam była pryśviečana vajnie na Blizkim Uschodzie, ale taksama zakranała pytańni handlu.
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»34
Kamientary
- Spadar, heta infalinija kłasičnaj realnaści.
- Ja ŭsio skazaŭ!