Vydaviectva Skaryna Press u supracy ź Biełaruskaj biblijatekaj i muziejem imia Franciška Skaryny ŭ Łondanie vypuskaje faksimile rukapisnaha zbornika Łarysy Hienijuš «Spiritus flat ubi vult. Vieršy 1945—1947», piša bellit.info.
Rukapis, jaki ŭłasna i zachoŭvajecca ŭ Łondanskim biełaruskim muziei, byŭ padrychtavany da druku cełaj kamandaj: układalnikam Iharam Ivanovym, redaktarkaj Janinaj Łaŭnik, moŭnymi kansultantkami Alenaj Ivanoŭskaj i Siatłanaj Lasovič, a taksama dyzajnieram Siarhiejem Šabochinym.
Upieršyniu vieršy z hetaha rukapisu byli padrychtavanyja da druku i vydadzienyja asobnaj knihaj z pradmovaj na anhielskaj movie prafiesaram Arnoldam Makmilinam ŭ 1992 hodzie.
Novaje vydańnie supravadžaje ŭstupnaje słova Taćciany Astroŭskaj «Łarysa Hienijuš i historyja biełaruskaha samvydavu», a taksama pieradruk pradmovy Arnolda Makmilina da pieršaha vydańnia 1992 hodu i pradmova Janiny Łaŭnik da druhoha vydańnia z razhornutym moŭnym kamientarom.
Ustupnaje słova i pradmovy da abodvuch vydańniaŭ drukujucca na biełaruskaj i anhielskaj movach, paśla idzie častka z rasčytanymi i nadrukavanymi vieršami, a paśla hetaha ŭłasna faksimile rukapisnaha zbornika paetki.
Kniha nieŭzabavie budzie dastupnaja dla pakupki, pieradusim praz sajt vydaviectva «Skaryna»
Kamientary