Mikoła Statkievič uskłaŭ kvietki na pachavańniach na Vajskovych mohiłkach Minska i patłumačyŭ, čamu heta robić tam i 8 maja
«Zaraz historyja paŭtarajecca. Znoŭ chočuć zbudavać svoj «mir», tolki nie «aryjski» a «russkij», — piša były palitviazień.
«Zaraz historyja paŭtarajecca. Znoŭ pačataja vajna z metaj uziać revanš za prajhranuju, tolki ŭžo nie Pieršuju suśvietnuju, a Treciuju suśvietnuju «chałodnuju» vajnu. Znoŭ sprabujuć viarnuć stračanyja terytoryi, tolki nie Dancyh i Elzas, a Krym i ŭsiu Ukrainu, znoŭ «baroniać pravy suajčyńnikaŭ», tolki nie ŭ Sudetach, a na Danbasie, znoŭ chočuć zbudavać svoj mir, tolki nie «aryjski» a «russkij», — piša Statkievič u svaim telehram-kanale. — I sprabujuć skarystać u svajoj vajnie tych, chto zmahaŭsia i zahinuŭ, sprabujučy spynić ŭsio pieraličanaje.
Miortvyja nie vinavatyja, kali ich skarystoŭvać u palityčnych hulniach dy infarmacyjnych vojnach. Jany nie mohuć ŭstać z mahił, kab abaranić siabie. Jak nie moža ŭstać z mahiły na Vajskovych mohiłkach lotčyk Akreścin, kab zapiarečyć tamu, što jaho imia ŭ vačach usioj płaniety źviazali ź miescam, dzie ludziej katavali za ich pierakanańni».
Palityk nahadaŭ, što pry kancy červienia 2020 hoda, padčas adbyvańnia aryštu ŭ izalatary na vulicy imia Akreścina jamu zavočna dadali jašče 15 sutak aryštu za «praviadzieńnie niesankcyjanavanaha masavaha mierapryjemstva» — uskładańnia 8 maja taho ž hoda na Vajskovych mohiłkach Minska kvietak da mahił zahinułych sałdat.
«Ja dumaju, što ciažka znajści bolš krasamoŭnaje śviedčańnie sapraŭdnaha staŭleńnia ŭład da pamiaci šmatmiljonnych achviar toj, raźviazanaj tatalitarnymi režymami vajny».
Statkievič asudziŭ pavodziny troch byłych palitviaźniaŭ. Zdajecca, heta Pratasievič, Volha Łojka i Nasta Łojka
Statkievič zaklikaŭ biełarusaŭ nie malicca na movie RPC i pisać na pomnikach pa-biełarusku
Statkievič raspavioŭ, što da hetaha času ličycca źniavolenym
Statkievič prapanavaŭ łozunh, jaki abjadnaje bolšaść biełarusaŭ
Statkievič pra nieviadomaje z padziej 2020 hoda i vysnovy ź ich: Novuju ŭładu sfarmujuć nie tyja, chto emihravaŭ, a tyja, chto prybiare staruju
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary
pakolki ja "trochi" "tupieńkaja", to tupa spytała ŭ II. i voś, što jon adkazaŭ -
"SŠA stali piervoj i jedinstviennoj stranoj, primienivšiej jadiernoje oružije v bojevych usłovijach. Atomnyje bombardirovki japonskich horodov Chirosima i Nahasaki proizošli 6 i 9 avhusta 1945 hoda, čto privieło k hibieli boleje 100 tysiač čiełoviek i połožiło načało jadiernoj erie"
a dakładna heta jahonyja dumki?
ci jamu ich niejki pressakratar-ka napisaŭ?