Statkievič zaklikaŭ biełarusaŭ nie malicca na movie RPC i pisać na pomnikach pa-biełarusku
«Zaŭtra biełarusy pajeduć pa mohiłkam, kab zhadać i ŭšanavać svaich pamierłych blizkich», — nahadaŭ jon pra Radaŭnicu.
Radaŭnica, dzień pamiaci prodkaŭ, sioleta prypadaje na 21 krasavika. U bolšaści rajonaŭ Biełarusi jaje adznačajuć na dziaviaty dzień paśla Vialikadnia. U niekatorych — na Pravadnuju niadzielu abo Naŭski čaćvier. Adnak heta spradviečnaja biełaruskaja tradycyja — adviedvać mohiłki, uspaminać rodnych adzin raz viasnoju, a adzin raz uvosień — na Dziady.
Hieroj-palitviazień Mikałaj Statkievič u svaim telehram-kanale napiaredadni Radaŭnicy zaklikaŭ biełarusaŭ trymacca svajho. I admaŭlacca ad zvyčajaŭ, nakinutych akupantami, u tym liku ihnaravać padkantrolnuju Maskvie RPC.
«Čamu pomniki blizkich amal usich biełarusaŭ majuć nadpisy tolki na čužoj movie? Što, u Boha ŭžo bolš niama takoha naroda? Ci heta našy miortvyja bajacca padazreńnia ŭ niadobranadziejnaści, kali ich imiony buduć napisany na pomnikach na «podozritielnom nacionalističieskom jazykie»? Ale ž miortvym užo nie vypadaje bajacca. Ci heta my sami baimsia? Čaho? — piša Statkievič.
— My navat nie źviartajemsia na našaj movie da Boha ŭ svaich malitvach. Što, heta taksama strašna? Nie viercie, kali vam kažuć, što malitvy i słužby ŭ chramie — na «starasłavianskaj» movie. Nasamreč jany — na maskoŭskaj movie siaredziny ChVII stahodździa. Mienavita na hetaj movie razmaŭlali maskoŭskija vojski, jakija pryjšli tady na našu ziamlu i źniščyli bolš za pałovu našaha naroda. Kali my budziem i nadalej tak paśladoŭna i ŭparta roznymi sposabami davodzić Bohu, što nas niama, to nas i sapraŭdy nie stanie», — zaścierahaje eks-kandydat u prezidenty, jaki vytrymaŭ dva praciahłyja źniavoleńni ŭ łukašenkaŭskich turmach.
Nahadajem, što asudžanaha na 14 hadoŭ Mikałaja Statkieviča vyzvalili 11 vieraśnia ŭ składzie hrupy z 52 čałaviek i vyvozili ŭ Litvu, ale jon pakinuŭ aŭtobus, niekalki hadzin prasiadzieŭ na miažy, paśla čaho byŭ znoŭ zatrymany i viernuty ŭ kałoniju. U lutym jon pieranios insult, pravioŭ niekalki tydniaŭ u balnicy i byŭ vyzvaleny 19 lutaha.
«Naša Niva» — bastyjon biełaruščyny
PADTRYMAĆCiapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy55
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi3
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary