Kala 100 studentaŭ pakinuli EHU paśla pryznańnia ŭniviersiteta «ekstremisckaj arhanizacyjaj»

— U nas było dźvie surjoznyja padziei — u vieraśni letaś (kali ŭłady Biełarusi pryznali «ekstremisckimi» sajt i sacyjalnyja sietki EHU) i 14 krasavika sioleta. Kala 50 studentaŭ pakinuli vučobu ŭ vieraśni minułaha hoda. Ale tady ž u nas skłałasia vielmi cikavaja situacyja, bo kožny dzień niejkija studenty pakidali vučobu i niechta viartaŭsia z akademičnaha adpačynku. Takim čynam hetyja dźvie ličby kankuravali, i, zdajecca, na 10 studentaŭ bolš źjechała, čym viarnułasia vučycca. Heta taksama śviedčyć, što niekatoryja studenty razhladajuć taki krok jak apošni varyjant pryjechać u Litvu, u Vilniu, i pakinuć Biełaruś.

A ciapier, z 14 krasavika da 14 maja, my stracili 100 studentaŭ. Našy prahramy Departamienta humanitarnych navuk i mastactvaŭ, Departamienta sacyjalnych navuk, prahrama «Infarmatyka» i škoła biznes-ekanomiki BISEB ahułam stracili 100 navučencaŭ. Ciapier my hladzim na ličby, ale pa-inšamu, bo jość i naturalny adsieŭ, naprykład, adjezd z pryčyny akademičnych vynikaŭ. My ŭsprymajem hetyja źmieny za miesiac jak vielmi vidavočny adtok, źviazany z «ekstremisckim» statusam ustanovy. Takim čynam, my pačali navučalny hod z 1600 studentami. Heta razam sa śpiecyjalizavanymi škołami pry EHU. A na 1 sakavika, kali pačaŭsia naš druhi siemiestr, u nas było 1129 studentaŭ.

Takim čynam, na hety momant va ŭniviersitecie kala 1000 studentaŭ. 100 syšli praź jaho «ekstremiscki» status.

— Kolki biełaruskich hramadzian ciapier siarod vašych studentaŭ?

— Skład studentaŭ taki: humanitarnaja, sacyjalna-navukovaja, mastackaja prahramy na 74% składajucca ź biełarusaŭ.

 Škoła infarmacyjnych technałohij taksama na 70% składajecca ź biełarusaŭ, u Škole biznes-ekanomiki ich kala 60—65%.

— Takim čynam, ahułam kala 70%?

— Tak, 70—75%.

— Što da studentaŭ, jakija žyvuć u Biełarusi. Paviedamlajuć, što ŭ Biełarusi byli pieratrusy, idzie cisk na ich. Ci majecie takuju infarmacyju? Ci možacie paćvierdzić jaje?

— Tak. Ale treba skazać, što pieratrusy abo dopyty studentaŭ EHU nie źviazanyja niepasredna z hetym jarłykom — «ekstremisckim» statusam. U EHU zaŭsiody była hetaja prablema z uładami Biełarusi — studentaŭ EHU naviedvali abo zaprašali va ŭstanovy na «hutarki». Takim čynam, heta było daŭno, da taho, jak uźnikli jakija-niebudź prablemy z «ekstremizmam».

U kaladnyja ci letnija vakacyi z kankretnymi studentami pravodzili «sustrečy» i «hutarki». U nas była hipoteza, što niekatorych studentaŭ apytvali nie tamu, što jany studenty EHU, ale taksama tamu, što jany zajmalisia niejkaj aktyŭnaj dziejnaściu, niaŭradavymi arhanizacyjami, inšym. Takija vykliki i apytańni zaŭsiody byli. A ciapier ich pabolšała, my pra ich viedajem. Usiaho kala 10 vypadkaŭ. Heta ŭ asnoŭnym tyčycca studentaŭ, jakija vučacca na zavočnym adździaleńni. Ale, na ščaście, mnohija studenty-zavočniki nie znachodziacca ŭ Biełarusi. Kali my rychtavalisia da hetaha kryzisu, nazaviom jaho tak, my viedali, što ŭ EHU studentaŭ-zavočnikaŭ kala 30% ad ahulnaha składu. Ale potym my vyśvietlili, što realnyja ličby, u pryvatnaści dla Biełarusi, značna nižejšyja, takich kala 10%.

I niekatoryja ź ich spynili navučańnie. I treba skazać, što tyja, chto spyniŭ damovy ab navučańni, jak my i pradkazvali, byli studentami-zavočnikami. Takim čynam, spynili navučańnie tyja, chto znachodzicca ŭ Biełarusi. A siarod tych, chto znachodzicca ŭ Litvie, u Vilni, jość kala 10 vypadkaŭ spynieńnia navučańnia.

• 2
• 1
• 0
• 2
• 1
• 5
• 0
• 0