Alaksandr Łukašenka prakamientavaŭ niadaŭnija vykazvańni Uładzimira Zialenskaha pra toje, što rasijanie rychtujuć novuju ataku suprać Ukrainy z terytoryi Biełarusi.
Łukašenka kateharyčna abviarhaje, što płany ataki Ukrainy ź Biełarusi rychtujucca — jany, maŭlaŭ, mahčymyja tolki tady, kali ŭkraincy pačnuć pieršymi:
«Što tyčycca jaho zajaŭ, što Biełaruś budzie ŭciahnuta ŭ vajnu, ja tolki što skazaŭ: budzie ŭciahnutaja tolki ŭ adnym vypadku — kali na našu terytoryju budzie ździejśnienaja ahresija. I tut užo nie ŭciahnuta (vy čuli z vusnaŭ prezidenta Rasii) — my budziem razam abaraniać našu Ajčynu ad Bresta da Uładzivastoka, dzie raźmieščanyja dźvie dziaržavy, — skazaŭ Alaksandr Łukašenka.
Tamu kali i budziem my ŭciahnutyja ŭ vajnu, u tym liku kali heta budzie suprać Ukrainy, tolki ŭ adnym vypadku — kali jany ździejśniać suprać nas ahresiju. My ŭciahvacca ŭ vajnu va Ukrainie nie źbirajemsia. U hetym niama nijakaj nieabchodnaści. Ni cyvilnaj, ni vajskovaj».
U toj ža čas Łukašenka vykazaŭ hatoŭnaść u luby čas sustrecca z Uładzimiram Zialenskim, i navat dziela hetaha pryjechać va Ukrainu:
«Kali jon choča pra niešta pahavaryć, paraicca ci jašče niešta, kali łaska, my adkrytyja dla hetaha. U luboj miaścinie — Ukrainy, Biełarusi — ja hatovy ź im sustrecca i abmierkavać prablemy biełaruska-ukrainskich adnosin. I, moža, pahavaryć pra pierśpiektyvy. Čamuści z amierykancami, niemcami, palakami, litoŭcami i łatyšami ŭ nas jość pra što razmaŭlać, a z Ukrainaj niama pra što…».
Zialenski daručyŭ MZS padrychtavać dadatkovyja miery dypłamatyčnaha ŭpłyvu ŭ dačynieńni Biełarusi
Kamandujučy Siłami bieśpiłotnych sistem Ukrainy vystupiŭ ź biesprecedentnymi pahrozami na adras Łukašenki, jakoha nazvaŭ «haŭlajtaram»
Zialenski: Maskva sprabuje ŭciahnuć Minsk u vajnu suprać Ukrainy albo apieracyju suprać krainy NATA
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma19
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary
[Zredahavana]