«Mnie ŭsio roŭna za heta ničoha nie budzie». U RF udzielnik «SVA» parezaŭ byłuju dziaŭčynu i abliŭ kisłatoj
U Pieciarburhu 27‑hadovy ŭdzielnik tak zvanaj «SVA» napaŭ na byłuju dziaŭčynu i abliŭ jaje kisłatoj za toje, što jana nie pahadziłasia da jaho viarnucca. Da hetaha jon hod pieraśledvaŭ jaje i pahražaŭ. Zvaroty ŭ palicyju nie dapamahli.
U Sankt-Pieciarburhu za zamach na zabojstva zatrymali miascovaha žychara Siarhieja Michajłava, jaki niadaŭna viarnuŭsia z vajny suprać Ukrainy. Mužčynu abvinavačvajuć u napadzie na byłuju dziaŭčynu, jakuju jon pieraśledavaŭ i zapałochvaŭ hod paśla rastavańnia. Pry hetym dziaŭčyna nieadnarazova źviartałasia z zajavami ŭ palicyju, adnak pravaachoŭniki nijak nie adreahavali.
Napad adbyŭsia ŭ padjeździe doma na vulicy Žaleznavodskaj, kali dziaŭčyna vychodziła z kvatery na pracu. Mužčyna, jaki zahadzia pravieryŭ jaje aktualny adras z dapamohaj dastaŭki kvietak, padpilnavaŭ jaje i ŭvarvaŭsia ŭ kvateru. Pry sabie jon mieŭ nož, sihnalny pistalet, piercavy bałončyk i jomistaść z kancentravanaj kisłatoj.
Padčas napadu chłopiec adkryta zajaŭlaŭ ab svajoj niepakaralnaści. Jon kryčaŭ dziaŭčynie: «Mnie ŭsio adno za heta ničoha nie budzie, ja viarnusia na SVA».
Michajłaŭ nanios dziaŭčynie nie mienš za piać udaraŭ nažom, streliŭ joj u kalena ź sihnalnaj zbroi i vyliŭ na hałavu kisłatu. U hety momant u pamiaškańni znachodziłasia siabroŭka paciarpiełaj. Jana sprabavała abaranić Nastaśsiu, adnak supynić ahresara nie zmahła. Pa słovach vidavočcy, mužčyna vystaŭlaŭ dziaŭčynie abvinavačvańni ŭ zdradzie.
«Svaje dziejańni jon apraŭdvaŭ tym, što Nastaśsia nibyta zdradziła jamu. My abiedźvie prasili jaho spynicca i kazali, što heta niapraŭda», — raspaviała siabroŭka.
Paśla hetaha złačynca źbieh, ale paźniej byŭ zatrymany. Dziaŭčyna znachodzicca ŭ reanimacyi ź ciažkimi chimičnymi apiokami tvaru, hałavy, šyi i hrudziej.
-
«Armienija — heta ŭžo nie abrabavanaja vami i vašymi partniorami kraina». Pašynian rašuča adkazaŭ Łukašenku
-
U pravasłaŭnaj parafii na poŭdni Polščy carkoŭnaja ŭračystaść pieratvaryłasia va ŭsłaŭleńnie Rasii. Z pratestam vystupili lemki
-
Tramp zajaviŭ, što ź Iranam jaho zadavolić tolki «idealnaja ździełka». A prosta dobruju jon moh by zaklučyć prosta zaraz
Ciapier čytajuć
Jak rychtavaŭsia vizit Cichanoŭskaj u Kijeŭ i čamu jon niekalki razoŭ pieranosiŭsia12
Kamientary