U Lidzie začynili niedziaržaŭnuju hazetu “Teleskop”
Padstava – hazeta nie vychodziła ciaham hodu
18 vieraśnia Ministerstva infarmacyi Biełarusi zakryła niedziaržaŭnuju rehijanalnuju hazietu «Teleskop», jakaja vychodziła ŭ Lidzie. Padstavaj dla anulacyi paśviedčańnie ab rehistracyi haziety nazvali parušeńnie pieryjadyčnaści vydańnia, bolš za adzin hod, -- paviedamiŭ pres-słužbie BAŽ hałoŭny redaktar «Teleskopa» Stanisłaŭ Sudnik.
Na samaj spravie my nie parušyli zakanadaŭstva, -- śćviardžaje hałoŭny redaktar vydańnia -- pieradapošni numar haziety vyjšaŭ 14 lipienia 2005 hoda, potym z-za ekanamičnych ciažkaściaŭ hazieta peŭny čas nie drukavałasia, i nastupny numar «Teleskopa» vyjšaŭ 13 lipienia 2006 hoda. Značyć, zhodna zakanadaŭstvu, kab začynić hazietu, nie chapała jašče adnaho dnia.
Hazieta «Teleskop» vydavałasia sa śniežnia 1997 hoda, drukavałasia ŭ Lidzie i raspaŭsiudžvałasia ŭ Hrodzienskaj vobłaści, u 2002-2003 h.h. nie vychodziła pa finansavych pryčynach. Spačatku vydaŭcom haziety vystupała Lidskaja drukarnia; potym abaviazki vydaŭca, zasnavalnika i hałoŭnaha redaktara pierajšli da pryvatnaha pradprymalnika Iryny Bruškovaj. Paśla pa damovie z uładalnikam vydańnia vydaŭcom "Teleskopa" stała Lidskaja haradskaja arhanizacyja HA "TBM imia F. Skaryny", a hałoŭnym redaktaram apošnim časam vystupaŭ staršynia TBM Stanisłaŭ Sudnik. Adnoŭleny ŭ 2004 hodzie "Teleskop" byŭ całkam biełaruskamoŭnym. Hazieta pazicyjaniravałasia jak hramadska-palityčnaja i dla volnaha času. U asnoŭnym aśviatlała padziei, što adbyvalisia ŭ rehijonie i Hrodzienskaj vobłaści.
"Teleskop" pastupaŭ da čytača praź sietku hramadskich raspaŭsiudnikaŭ, a ŭ Lidzie -- praz kijoski "Biełsajuzdruku". Jak i bolšaść niedziaržaŭnych haziet u apošnija hady u «Teleskopa» rehularna ŭźnikali prablemy z mahčymaściu drukavacca ŭ miascovaj drukarni i raspaŭsiudžvacca praz «Biełpoštu».
Ciapier čytajuć
Łukašenka apraŭdvajecca za ideju z pryjezdam 150 tysiač pakistancaŭ — heta, kab «zachavać naš narod»26
Kamientary