Niepryjemnyja prahnozy, što čempijanat śvietu pa futbole ŭ PAR budzie azmročany dziejańniami miascovych bandytaŭ, pačynajuć zbyvacca. Zbornuju Uruhvaja abrabavali va ŭłasnaj haścinicy.
Jak paviedamlaje Associated Press, rabavańnie adbyłosia niezadoŭha da matču Uruhvaj - Francyja, jaki prachodziŭ u Kiejptaŭnie i zaviaršyŭsia ź likam 0:0. Jak vyśvietliłasia, nieviadomyja zaleźli ŭ numar adnaho z kiraŭnikoŭ delehacyi Ernesta Radryhiesa Altesa i ŭzłamali siejf.
Pavodle niekatorych źviestak, prapali 4000 dalaraŭ.
PAR zajmaje adno ź pieršych miescaŭ u śviecie pa ŭzroŭni złačynnaści. I choć ułady zapeŭnivali, što hatovyja zabiaśpiečvać biaśpieku ŭsich udzielnikaŭ turniru, štodnia prychodziać paviedamleńni ab tym, što na vulicach haradoŭ hetaj krainy rabujuć žurnalistaŭ i turystaŭ. Pryčym niaredka napadu adbyvajucca z užyvańniem ahniastrelnaj zbroi.
Varta adznačyć, što jašče hod tamu, kali ŭ PAR pravodziŭsia Kubak kanfiederacyi, rabaŭniki nie paškadavali futbalistaŭ. Tady napad byŭ ździejśnieny na haścinicu, u jakoj žyła zbornaja Brazilii.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii17
Kamientary