83‑hadovy Poł Makartni znoŭ uznačaliŭ brytanski chit-parad. Heta dla jaho ŭžo 24‑ty raz
Novy albom Poła Makartni The Boys Of Dungeon Lane («Chłopcy z Dandžen-Łejn»), pryśviečany rodnamu Livierpulu i siabram z hurta The Beatles, adrazu paśla vychadu ŭznačaliŭ brytanski chit-parad albomaŭ, paviedamlaje Bi-bi-si.
Heta ŭžo 24‑ty albom z udziełam Poła Makartni, jaki staŭ numaram adzin u Vialikabrytanii. Kali ŭličvać jahonyja solnyja raboty, a taksama zapisy hurtoŭ The Beatles i Wings, Makartni zastajecca absalutnym rekardsmienam pa kolkaści takich dasiahnieńniaŭ.
Nazva novaha alboma źviazanaja z vulicaj u Livierpuli, dzie budučy muzyka lubiŭ byvać u dziacinstvie. Mnohija pieśni pryśviečanyja jahonamu rodnamu horadu, siamji i siabram ź lehiendarnaha kvarteta The Beatles.
Asablivaje miesca na płaścincy zajmaje pieśnia Days We Left Behind («Dni, što zastalisia zzadu»), u jakoj Makartni ŭspaminaje Džona Lenana i hady ich siabroŭstva. Inšaja kampazicyja — Down South («Na poŭdzień») — pryśviečanaja padarožžam pa Vialikabrytanii razam z Džordžam Charysanam i paźniej ź Lenanam.
U zapisie alboma taksama ŭdzielničaŭ Rynha Star. Jon syhraŭ na barabanach i vykanaŭ vakalnuju partyju ŭ pieśni Home To Us («Viartańnie da nas dadomu». Heta pieršaja novaja sumiesnaja studyjnaja rabota dvuch muzykaŭ.
The Boys Of Dungeon Lane staŭ šostym solnym albomam Makartni, jaki ŭznačaliŭ brytanski čart. Raniej takoha ž pośpiechu dasiahali 15 albomaŭ The Beatles, dva albomy Wings i adzin dysk, zapisany razam z žonkaj śpievaka Lindaj Makartni.
Akramia taho, novaja płaścinka stała samym pradavanym viniłavym albomam tydnia ŭ Vialikabrytanii i lidaram prodažaŭ u niezaležnych muzyčnych kramach krainy.
Pośpiech relizu supaŭ z nabližeńniem Mižnarodnaha dnia The Beatles, jaki adznačajecca 25 červienia. Da hetaj daty ŭpieršyniu budzie apublikavany poŭny zapis histaryčnaha vystupu hurta ŭ suśvietnym telemarafonie Our World u 1967 hodzie, dzie muzyki vykanali svaju znakamituju pieśniu All You Need Is Love («Usio, što vam patrebna, — heta kachańnie»). Tuju tranślacyju ŭ svoj čas pahladzieli kala 400 miljonaŭ čałaviek u 24 krainach śvietu.
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?1
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary