Žonka Kańje Uesta ŭ nadta śmiełym naradzie i mascy koški prahulałasia pa centry Tbilisi pad ručku z mužam FOTAFAKT
Skandalny repier daŭ učora kancert u stalicy Hruzii.
Pierad vystupam repiera zaŭvažyli na vulicach Tbilisi razam z Bjankaj Cenzary, jakaja nadzieła śmieły stroj, supravadziŭšy heta maskaj koški.
Kańje Uest, jaki pazicyjanuje siabie zaraz jak Ye, viadomy svaimi skandalnymi vykazvańniami, u tym liku antysiemickimi.
Uest hetym letam sutyknuŭsia z chvalaj admien kancertaŭ pa ŭsioj Jeŭropie paśla šmathadovych antysiemickich zaŭvah, uklučajučy vykazvańni z pachvałoj Adolfa Hitlera i vypusk kantentu z vykarystańniem nacysckaj simvoliki. Naprykład, jaho krytykavali za reliz «Heil Hitler».
Kancerty Kańje Uesta admianili ŭ Vialikabrytanii, Niderłandach, Polščy.
U studzieni repier raźmiaściŭ rekłamu na poŭnuju staronku ŭ Wall Street Journal, u jakoj adroksia ad svajho minułaha zachapleńnia Hitleram i paprasiŭ prabačeńnia za svaje pavodziny, jakija jon źviazaŭ ź niedyjahnastavanaj traŭmaj hałaŭnoha mozha i niavylečanym bipalarnym razładam.
Razam z tym kamiercyjny pośpiech Uesta nievierahodny. Repier maje 24 premii «Hremi» i 10 albomaŭ, jakija zajmali 1‑ie miesca ŭ Billboard 200, što robić jaho adnym z samych tytułavanych artystaŭ u historyi čartaŭ.
Na kancert u Stambule na Alimpijskim stadyjonie Ataciurka 30 maja pryjšło 118 tysiač čałaviek, heta samy vialiki stadyjonny kancert u historyi.
Kamientary