U Viciebsku siamihadovy chłopčyk vypaŭ z akna, pakul jahonyja baćki spali pjanyja
U Viciebsku miascovaja prakuratura zaniałasia rasśledavańniem spravy siamihadovaha chłopčyka z asablivaściami psichafizičnaha raźvićcia, jaki atrymaŭ ciažkija traŭmy pa vinie svaich baćkoŭ.
Naprykancy maja 2026 hoda dzicia ŭ ciažkim stanie było dastaŭlena ŭ abłasnuju dziciačuju kliničnuju balnicu. U jaho dyjahnastavali pierałomy ściahna i łokcievaj kości, a taksama šmatlikija siniaki i paškodžańni pa ciele.
Jak pakazała pravierka, incydent adbyŭsia ŭdzień u kvatery, kali chłopčyk znachodziŭsia doma razam z baćkam i maci. U hety momant aboje baćki spali ŭ stanie mocnaha ałkaholnaha apjanieńnia. Dzicia zmahło samastojna adkryć akno i vypała ź jaho. Paśla padzieńnia jaho na vulicy znajšli susiedzi i vyklikali chutkuju dapamohu.
Taksama ŭ chodzie pravierki vyśvietliłasia, što za niekalki dzion da hetaha chłopčyk užo pakidaŭ dom biez nahladu i jaho znachodzili staronnija ludzi.
Paviedamlajecca, što ŭ siamji byli prablemy z nahladam za dziciem i naležnymi ŭmovami biaśpieki. U suviazi z hetym prakuratura pryniała miery pa abaronie pravoŭ dziciaci, a ŭ dačynieńni da baćkoŭ razhladajecca pytańnie ab pazbaŭleńni ich baćkoŭskich pravoŭ.
«Ja pačuła kryk: «Dapamažycie, režuć!». Padrabiaznaści trahiedyi, dzie chłopiec zabiŭ 24‑hadovuju dziaŭčynu
Dvuchhadovy chłopčyk vypaŭ z akna druhoha paviercha ŭ Červieni
U Kobrynie trochhadovaja dziaŭčynka vypała z akna piataha paviercha
U Mahilovie z akna internata vypała dziaŭčynka
«Siamja ni na jakich ulikach nie stajała». Što viadoma pra trahiedyju ŭ Minsku, dzie školnik vypaŭ z akna kvatery i zahinuŭ
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»2
Kamientary