У Віцебску сямігадовы хлопчык выпаў з акна, пакуль ягоныя бацькі спалі п'яныя
У Віцебску мясцовая пракуратура занялася расследаваннем справы сямігадовага хлопчыка з асаблівасцямі псіхафізічнага развіцця, які атрымаў цяжкія траўмы па віне сваіх бацькоў.
Напрыканцы мая 2026 года дзіця ў цяжкім стане было дастаўлена ў абласную дзіцячую клінічную бальніцу. У яго дыягнаставалі пераломы сцягна і локцевай косці, а таксама шматлікія сінякі і пашкоджанні па целе.
Як паказала праверка, інцыдэнт адбыўся ўдзень у кватэры, калі хлопчык знаходзіўся дома разам з бацькам і маці. У гэты момант абое бацькі спалі ў стане моцнага алкагольнага ап’янення. Дзіця змагло самастойна адкрыць акно і выпала з яго. Пасля падзення яго на вуліцы знайшлі суседзі і выклікалі хуткую дапамогу.
Таксама ў ходзе праверкі высветлілася, што за некалькі дзён да гэтага хлопчык ужо пакідаў дом без нагляду і яго знаходзілі староннія людзі.
Паведамляецца, што ў сям’і былі праблемы з наглядам за дзіцем і належнымі ўмовамі бяспекі. У сувязі з гэтым пракуратура прыняла меры па абароне правоў дзіцяці, а ў дачыненні да бацькоў разглядаецца пытанне аб пазбаўленні іх бацькоўскіх правоў.
«Я пачула крык: «Дапамажыце, рэжуць!». Падрабязнасці трагедыі, дзе хлопец забіў 24‑гадовую дзяўчыну
Двухгадовы хлопчык выпаў з акна другога паверха ў Чэрвені
У Кобрыне трохгадовая дзяўчынка выпала з акна пятага паверха
У Магілёве з акна інтэрната выпала дзяўчынка
«Сям'я ні на якіх уліках не стаяла». Што вядома пра трагедыю ў Мінску, дзе школьнік выпаў з акна кватэры і загінуў
Цяпер чытаюць
Вось хто той хлопец, які паехаў на праполку бульбы і стаў героем сацсетак4
Каментары