U akupavanaj Rasijaj Kierčy paśla načnoj ataki uźnik pažar na naftabazie Kierčanskaha handlovaha porta, a ŭ Krasnadarskim krai haryć port «Kaŭkaz».
Analityk vydańnia Astra vyznačyŭ miesca ŭzharańnia pa videazapisach, apublikavanych ukrainskim manitorynhavym kanałam Exilenova+. Pavodle jaho acenki, haryć naftabaza na vulicy Tamanskaj u Kierčy, jakaja vykarystoŭvajecca dla zachoŭvańnia i pieravałki naftapraduktaŭ, u tym liku mazutu i dyzielnaha paliva. Abjekt znachodzicca mienš čym za kiłamietr ad miesca złučeńnia ź bieraham Krymskaha mosta.
Taksama paviedamlajecca pra pažar u porcie «Kaŭkaz» na rasijskim bierazie Kierčanskaha praliva. Pavodle Astra, uzharańnie było zafiksavana z dapamohaj spadarožnikavaha servisu NASA FIRMS, jaki adsočvaje ciepłavyja anamalii.
Port «Kaŭkaz» źjaŭlajecca adnym z najbujniejšych partoŭ Rasii i vykarystoŭvajecca dla pryjomu aŭtamabilnych i čyhunačnych paromaŭ, što zabiaśpiečvajuć pieravozki praz Kierčanski praliŭ.
Na momant publikacyi aficyjnaha paćviardžeńnia maštabaŭ paškodžańniaŭ i nastupstvaŭ pažaraŭ niama.
Prapahanda rychtuje hramadstva da zahadkavaj «praciahłaj kamandziroŭki» Łukašenki39
Kamientary
Ili proŝie udalať kommientarii?